އުމުުރުން އެންމެ 16 އަހަރުގެ އައިޝަތު ގާނިއަތު އާދަމް އިންސްޕަޔާ ވީ މަޝްހޫރު ސޯޝަލް މީޑިއާ އިންފްލުއެންޒާ އަދި މޮޑެލް ކައިލީ ޖެނާގެ ފަރާތުންނެވެ. އެންމެ ކުޑަ އިރުއްސުރެއް މޭކަޕަށް ބޮޑު ޝައުގުވެރިކަމެއް ހުންނަ ގާނީ އަމިއްލަ ބްރޭންޑެއް ފެށީ މީގެ ދެ އަހަރު ކުރިން ބޭބެއާއިއެކު ދެކެވުނު ވާހަކައެއްގެ ތެރެއިންނެވެ. އޭރު ގާނި ހަަމައެކަނި ބޭނުންވީ އަމިއްލަ ބްރޭންޑެއްގެ އެއްޗެހި އުފައްދާށެވެ. ބޭބެގެ އެހީތެރިކަމާއިއެކު "ގާނި" ގެ ނަމުގައި ފުރަތަމަ ފެށީ ލިޕްސްޓިކް އުފައްދައި މާކެޓުގައި ވިއްކާށެވެ.
"އަބަދުވެސް ކުޑަ އިރުއްސުރެއްވެސް ވަރަށް މޭކަޕްކޮށް އުޅެން. މޭކަޕް އެއްޗެހި އެއްކޮށްގެން މަންމައަށް ސިއްރުންވެސް މޭކަޕް ކުރަން އުޅޭނީ. ދެން ވަރަށް ބޮޑު މޭކަޕްގެ މީހެއް ގާނި އަކީ" ގާނި ކިޔައިދިނެވެ.
އެންމެ ފުރަތަމަ އަމިއްލައަށް މޭކަޕް ކުރަން ފެށީ އެކި ޒާތުގެ މޭކަޕް އެއްޗެހި ބޭނުންކޮށްގެން ޔޫޓިއުބުން އެތަކެތި ބޭނުންކުރާނެ ގޮތް ދަސްކޮށްގެންނެވެ. ގާނި ބުނި ގޮތުގައި މޫނުމަތި ހަލާކުވެސް ވި އެވެ.
ދެން އޭގެ ފަހުން އަމިއްލަ ބްރޭންޑެއްގެ މަސައްކަތް ފަށައި އެންމެ ފުރަތަމަ މަސައްކަތް ކުރީ ލިޕްސްޓިކް އުފައްދާށެވެ. އެގޮތުން އެކި ރިސާޗްތައް ހަދައި ހަންގަނޑައް ގެއްލުން ނުވާނެ ފަދަ ބާވަތްތައް ބޭނުންކޮށްގެން ލިޕްސްޓިކް އުފައްދަން ފެށި އެވެ. އެންމެ ފުރަތަމަ މާކެޓަށް ނެރުނީ ތިން ޝޭޑެއްގެ ލިޕްސްޓިކެވެ. އެއީ ޕޮޕް، ލިޓްރާ އަދި ފައުންޓެން އޮފް ޔޫތު އެވެ.
ގާނިގެ ލިޕްސްޓިމް މާކެޓަށް ނެރެ ވިއްކަމުން ދަނީ އޭނާގެ އަމިއްލަ ވެބްސައިޓު www.qani.store ގެ އިތުރުން އޭނާގެ އިންސްޓަގްރާމް މެދުވެރިކޮށެވެ. މީގެ އިތުރުން ކެލްސް ކިޔާ ސްޓޯ އަކުންވެސް އެ ލިޕްސްޓިކް ލިބޭނެ އެވެ.
މިއީ ރާއްޖޭގައި އުފައްދަމުން އަންނަ އަމިއްލަ ބްރޭންޑެއްގެ ލިޕްސްޓިކް އެކެވެ. އެހެންކަމުން ގާނި ގެ ޓާގެޓަކީ ކޮލިޓީގައި ވަކި ސްޓޭންޑާޑެއް ހިފަހައްޓާށެވެ. އެއާއެކު އަގުވެސް އެ ސްޓޭންޑަޑާއި އެއްވަރުގައި ހިފަހައްޓަން އިސްކަން ދެއެވެ. 400 ރުފިޔާގެ ރޭންޖެއްގައި މި ލިޕްސްޓިކް ވިއްކާއިރު ގާނި ބުނާ ގޮތުގައި އޭގައި ސަބަބުތަކެއް އެބަ ހުއްޓެވެ.
"އާންމުކޮށް ރާއްޖޭގަ މިވިއްކާ އެވަރޭޖް ލިޕްސްޓިކްތަކަށްވުރެއް އަގު ބޮޑުވާނެ. ފޮ ސެވަރަލް ރީޒަންސް ދޯ. ބިކޯޒް އައި މޭކް މައި އޯން ލިޕްސްޓިކް. އަމިއްލަ ފޮމިއުލާގަ އަމިއްލައަށް ރިސާޗް ހަދައިގެން"
ގާނި ހުރީ ކުރިއަށް އޮތް ތަނުގައި ވަރަށް ވަރުގަދަ މަސައްކަތްތަކެއް ކުރުމުގެ އުއްމީދުގަ އެވެ. އެގޮތުން އޭނާ ބުނާ ގޮތުގައި ކުރިއަށް އޮތްތަނުގައި ޓާގެޓް ކުރަނީ ހަމައެކަނި ލިޕްސްޓިކްއަށް އެކަންޏެއް ނޫނެވެ. ކްލޯތިން ބްރޭންޑެއް ތައާރަފު ކުރުމުގެ ވިސްނުން އެބަ ހުއްޓެވެ. އަދި މޭކަޕްގެ އެހެން ބައެއް ވައްތަރުތައް އުފެއްދުމުގެ ވިސްނުންވެސް އެބަ ހުއްޓެވެ.
ރަހުމަތްތެރިންނާއި އާއިލާގެ ބޮޑު ސަޕޯޓަކާއިއެކު ގާނި ވިޔަފާރި ކުރަން ފެށިއިރު އޭނާއަށް އެންމެ ބޮޑު އެހީތެރިކަމެއް ލިބެނީ ބޭބެގެ ފަރާތުންނެވެ. މީގެ އިތުރުން ރާއްޖޭގެ މަޝްހޫރު މޭކަޕް އާޓިސްޓުންނާއި ދާއިރާގެ އެހެންވެސް ބައެއް މީހުންގެ ފަރާތުން ލިބޭ އެއްބާރުލުން އޭނާ ފާހަގަކުރި އެވެ.
ގާނި ބުނީ އޭނާގެ ބްރޭންޑުގެ ލޯގޯއިންވެސް ރަމްޒުކޮށްދެނީ ހޯޕް ކަމަށެވެ. އެގޮތުން ގާނިގެ ކިއު އަކުރު އިންނާނީ ބްލަޑް ލައިނެއް ގޮތަށް ޑިޒައިން ކޮށްގަ އެވެ. އޭގެން ބުނެދޭން ބޭނުންވަނީ ކުޑަކޮށް ކަމެއް ފަށައި އެންމެ މައްޗަށް ދާން މަސައްކަތް ކުރުމަށެވެ. ގާނި ފަދައިން ވިޔަފާރިކުރަން ބޭނުންވާ ޒުވާން ކުދިންނަށް އޭނާ ދޭން ބޭނުންވާ މެސެޖަކީވެސް އެއީ އެވެ. ގާނި ބޭނުންވަނީ ކުރިއަށް އޮތް ތަނުގައި އޭނާ ގޮތަށް ރާއްޖޭގައި ޒުވާން ވިޔަފާރިވެރިންތަކެއް އުފެދި އަމިއްލަ އުފެއްދުންތަކެއް ނެރޭށެވެ.
ނޯޓް: މިއީ ހަމައެމްވީން ވިޔަފާރިތައް އިޝްތިހާރު ކުރުމުގެ ސެގްމެންޓުގެ ތެރެއިން ގެނަސްދޭ އިންޓަވިއު އެކެވެ. މި ސެގްމެންޓުގައި ހިލޭ އިޝްތިހާރު ކުރަން ބޭނުންވާ ފަރާތްތަކަށް ފުރުސަތު ހުޅުވާލާފައިވާ ވާހަކަ ދަންނަވަމެވެ. [email protected] އަށް މެއިލް ކުރެއްވުމުން ނުވަތަ އަޅުގަނޑުމެންގެ ސޯޝަލް މީޑިއާއަށް މެސެޖު ކުރައްވާ!
