މަޖިލިސް އިންތިޚާބު ބާއްވާ ތާރީޚު އަންނަ އޭޕްރީލް މަހުގެ ފަހުކޮޅަށް ފަސްކުރުމުން އިތުރު 560 މީހުންނަށް ވޯޓު ލެވޭނެ ކަަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އީސީގެ ނައިބު އިސްމާއިލް ހަބީބް އެކްސްގައި ކުރެއްވި ޕޯސްޓެއްގައި ވިދާޅުވީ، އިންތިހާބު ބާއްވާ ތާރިޚުު ފަސްވުމާ ގުޅިގެން ރީ ރަޖިސްޓަރުވުމަށް އިތުރު ތިން ދުވަސް ދިނުމަށް އެ ކޮމިޝަނުން ނިންމައިފައިވާ ކަމަށެވެ.
އެއާއެކު، އިންތިޚާބުގައި ވޯޓުލުމުގެ ހައްގު އިތުރު 560 މީހުންނަށް ލިބޭ ކަމަށް ހަބީބް ވަނީ ވިދާޅުވެފައެވެ.
ރޯދަމަހު އިންތިޚާބު ނުބޭއްވޭހެން އިންތިޚާބާ ބެހޭ ގާނޫނަށް ގެނައި އިސްލާހުގެ ބިލު މިރޭ ރައީސް ތަސްދީގުކުރެއްވުމާއެކު ކުރިން މާޗު 17ގައި ބާއްވަން ހަމަޖެހިފައި އޮތް އިންތިޚާބު މިހާރުވަނީ ފަސްވެފައެވެ.
އީސީން މިރޭ ނިންމީ އެ އިންތިޚާބު ދެން ބާއްވާނީ އެޕްރީލް 21ގައި ކަމަށެވެ.
+1
+1
+1
+1
+1
+1
