މާލޭ ސަހައްދުގައި ނުގަވަައިދުން ޕާކްކޮށްފައި ހުންނަ އުޅަނދުތައް ޓޯކޮށްގެން ގެންދާނި ހުޅުމާލާގައި ގާއިމްކުރާ ޓޯޔާޑަށް ކަމަށާއި، ޓޯ ކުރާ އުޅަނދުތައް ޕާކްކޮށްފައި ބަހައްޓާނެ ބިން މިހާރު ހަމަޖެހިފައިވާކަމަށް ފުލުހުން ވިދާޅުވެއްޖެއެވެ.
ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ފުލުހުންގެ މާލެ އޭރިއާ ސަރަހައްދުން ޗީފް ސުޕްރިޑެންޓެންޓް އޮފް ޕޮލިސް ހުސެއިން ސަމީރު ވިދާޅުވީ، ޓޯ ޔާޑެއްގެ ގޮތުގައި ބޭނުންކުރުމަށް ހުޅުމާލެއިން ދެ ބިމެއް މިހާރު ހަމަޖެހިފައިވާ ކަމަށެވެ.
ސަމީރު ވިދާޅުވީ އުޅަނދުތައް މިހާރު ޓޯކުރަން ފަށާފައިވުމާއެކު، ވާއިދުގެ ދަށުން ޕާކު ކުރުމަށް އިލްތިމާސް ކުރާކަމަށެވެ.
އޭނާ އިތުރަށް ވިދާޅުވީ ޓޯކުރަން އިއްޔެ ފަށާފައިވާއިރު، މިހާތަނަށް 100 އަށް ވުރެ ގިނަ ސައިކަލު ޓޯކޮށްފައިވާ ކަމަށެވެ. އަދި އިންޖީނުނެތް ތޮށިގަޑުގެ ގޮތުގައި ހުރި 156 އުޅަނދުވެސް ނައްތާލާފައިވާ ކަމަށެވެ.
ސަމީރު ވިދާޅުވީ ސޯސަންމަގުގައި ބޮޑު ޕާކިންއެއް ހަދާފައިވި ނަމަވެސް، އެ ސަރަހައްދުގައިވެސް ހިތުހުރި ގޮތަކަށް ޕާކް ކުރަމުންދާ ކަމަށާއި، އެހެންނަމުން މާލެ ހަމަޔަކަށް އެޅުވުމަށް ގަވާއިދާ ޚިލާފަށް ޕާކުކުރުމުގެ މައްސަލައަށް ހައްލެއް ހޯދަން ޖެހޭ ކަމަށެވެ.
އާނޭ ވިދާޅުވި ހިނގާބިގާވެ އުޅޭ ފަރާތްތަކަށް ދަތިވާގޮތަށް ޕާކު ކޮށްފައި ހުންނަ އުޅަނދުތައް ނެގުމުގެ މަސައްކަތް ފުލުހުން ކުރަމުންދާއިރު އާންމުންގެ އެހީތެރިކަމަށް ފުލުހުން އެދޭކަމަށެވެ.
