ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެންގޮސް ޖެހުނު ކާރުގެ ޑްރައިވަރު ހައްޔަރު ކޮށްފިއެވެ.
ފުލުހުން ބުނީ ޓެކްސީ ދުއްވަން އިން މީހާ ހައްޔަރުކޮށް މައްސަލައިގެ ތަހުގީގު މިހާރު ފަށާފައިވާ ކަމަށެވެ.
ހުޅުމާލެ ބުރިޖް ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެން އައި ކާރަކުން ޖެހުނު ހާދިސާ ހިނގާފައިވަނީ މިއަދު ހަވީރު 5:30 ހާއިރު، ބްރިޖުން ހުޅުމާލެ އަދި ހުޅުލެ ގުޅުވާލާ ހަތަރު އޮނގޮޅި ކަންމަތީގައެވެ. ޓްރެފިކް ބަލަހައްޓަން ހުރި ފުލުސްމީހާ ގައިގައި ކާރުން ޖެހުމާއެކު، ފުލުސްމީހާ ވިއްސައިގެން ގޮސްފައި ވެއެވެ.
ފުލުހުން ބުނީ ކާރު ދުއްވަން އިން ޑްރައިވަރު މިހާރު ވަނީ ހައްޔަރުކޮށް ހާދިސާ ތަހުގީގު ކުރަމުންދާކަމަށެވެ.
މިހާދިސާގެ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
+1
+1
+1
+1
+1
+1
