އެކި ފަހަރު މަތިން، މައްސަލަތަކުގައި ފުލުހުންގެ ބެލުމުގެ ދަށަށް ނަގައިފައިވާ 7،400 އަށްވުރެ ގިނަ ރުފިޔާގެ ވެރިން ހޯދަން ފުލުހުން މިއަދު އިއުލާންކޮށްފިއެވެ.
ފުލުހުން މިއަދު ބުނީ މި ތަކެއްޗަކީ ހޮވައިގެން ގެނެސްފައިވާ ތަކެއްޗާއި ތުހުމަތު ކުރެވިގެން ހުއްޓުވައި، ސުވާލުކުރި ބައެއް މީހުންގެ އަތުން ފެނިފައިވާ ތަކެތި ކަމަށެވެ.
އަދި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ފުލުހުންގެ ބެލުމުގެ ދަށަށް ގެނައީ ކަމަށް ބުންޏެވެ.
ފުލުހުންގެ ބެލުމުގެ ދަށުގައިހުރި ފައިސާގެ ތެރޭގައި:
- މެއި 16ވަނަ ދުވަހު ގަލޮޅު ޕޮލިސް ސްޓޭޝަން ކައިރިން ހޮވައިގެން ގެނެސްފައިވާ 100 ރުފިޔާ - އިންސިޑެންޓު ނަންބަރު 598084
ފުލުހުން ބުނީ ގަލޮޅު ޕޮލިސް ސްޓޭޝަނުގައި ހުރި ފައިސާގެ ވެރިފަރާތުން 9631696 އަށް ގުޅުއްވައި، އިންސިޑެންޓް ނަންބަރާއެކު މައުލޫމާތު ހިއްސާކުރެއްވުން އެދޭ ކަމަށެވެ. އަދި ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުން އެދޭ ކަމަށް ވެސް ބުނެފައިވެއެވެ.
- މެއި 13ވަނަ ދުވަހު ޓެކްސީއަކުން ހޮވައިގެން ހެންވޭރު ޕޮލިސް ސްޓޭޝަނަށް ގެނެސްފައިވާ ވޮލެޓެއްގައި އޮތް 400 ރުފިޔާ - އިންސިޑެންޓް ނަންބަރު 597708
- މެއި 16ވަނަ ދުވަހު ސޯސަން މަގުން ހޮވައިގެން ހެންވޭރު ޕޮލިސް ސްޓޭޝަނަށް ގެނެސްފައިވާ 2،000 ރުފިޔާ - އިންސިޑެންޓް ނަންބަރު 598104
- މެއި 25ވަނަ ދުވަހު ބޭންކް އޮފް މޯލްޑިވްސް (ބީއެމްއެލް) ކައިރިން ހޮވައިގެން ހެންވޭރު ޕޮލިސް ސްޓޭޝަނަށް ގެނެސްފައިވާ 4،825 ރުފިޔާ - އިންސިޑެން ނަންބަރު 595728
ފުލުހުން ބުނީ ހެންވޭރު ޕޮލިސް ސްޓޭޝަނުގައި ހުރި ފައިސާގެ ވެރިފަރާތްތަކުން 9400053 އަށް ގުޅުއްވައި، އިންސިޑެންޓް ނަންބަރާއެކު މައުލޫމާތު ހިއްސާކުރެއްވުން އެދޭ ކަމަށެވެ. އަދި ކާކުކަން އެނގޭނެ ލިޔުމަކާއެކު ހެންވޭރު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުން އެދޭ ކަމަށް ވެސް ބުނެފައިވެއެވެ.
- މެއި 14ވަނަ ދުވަހު ހުޅުމާލެ ފޭސް ދޭއްގެ ޓަވަރު ހަތެއް ކައިރި ޕާކުތެރެއިން ހޮވައިގެން، ހުޅުމާލެ ފޭސް ދޭއް ޕޮލިސް ސްޓޭޝަނަށް ގެނެސްފައިވާ 100 ރުފިޔާ - އިންސިޑެންޓް ނަންބަރު 597803
ފުލުހުން ބުނީ ހުޅުމާލެ ފޭސް ދޭއް ޕޮލިސް ސްޓޭޝަނުގައި ހުރި ފައިސާގެ ވެރިފަރާތުން 9393351 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުން އެދޭ ކަމަށެވެ. އަދި ކާކުކަން އެނގޭނެ ލިޔުމަކާއެކު ހުޅުމާލެ ފޭސް 2 ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަށް ވެސް ވަނީ އެދިފައެވެ.
- އޭޕްރީލް 30ގައި ވެލާނާ އިންޓަނޭޝަނަލް އެއާޕޯޓުގެ އިންޓަނޭޝަނަލް އެރައިވަލް، ފާހާނާ ބަރި ކައިރިން ހޮވައިގެން، އެއާޕޯޓު ޕޮލިސްއަށް ގެނެސްފައިވާ 67 ޑޮލަރު
ފުލުހުން ބުނީ މީގެ ވެރި ފަރާތުން 9968024 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރުމަށް އެދޭ ކަމަށެވެ. އަދި ކާކުކަން އެނގޭނެ ލިޔުމަކާއެކު އެއާޕޯޓު ޕޮލިހަށް ހާޒިރުވެ ހަވާލުވެލެއްވުމަށް ވެސް ވަނީ އެދިފައެވެ.
