ލ. ގަމު ލިންކް ރޯޑުގައި ރޭ އަލިފާނުގެ ހާދިސާއެއް ހިނގާފައިވާކަމަށް މޯލްޑިވްސް ނެޝަނަލް ޑިފެންސް ފޯރސް(އެމްއެންޑިއެފް) އިން ބުނެފި އެވެ.
އެމްއެންޑީއެފް އިން ބުނީ، އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނަށް ރޭ 19:50 ހާއިރު، ގަމު މުކުރިމަގާއި މަތިމަރަދޫއާ ދޭތެރޭ ލިންކުރޯޑްގެ އަރިމަތީގައި އޮތް ވިނަގަނޑެއްގައި އަލިފާން ރޯވިކަމުގެ ރިޕޯޓް ލިބުނުކަމަށެވެ.
އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނަށްމި ހާދިސާގެ މަޢުލޫމާތު ލިބުމާއެކު، ފަޔަރފައިޓަރުން އެ ސަރަހައްދަށް ގޮސް، އަލިފާން ނިއްވަން ކުރި މަސައްކަތުން އަލިފާން ނިއްވާލެވުނީ އެރޭ 20:22 ހާއިރުކަމަށް އެމްއެންޑީއެފް އިން ބުނެފައި ވެއެވެ.
މި ހާދިސާގައި އެެއްވެސް މީހަކަށް އަނިޔާވެފައި ނުވާކަމަށްވެސް އެމްއެންޑީއެފް އިން ބުނެފައި ވެއެވެ.
+1
+1
+1
+1
+1
+1
