ދިވެހި ނަރުހުން ހޯދަން އިއުލާންކޮށްފި

ހއ. އަތޮޅުގެ 13 ރަށެއްގައި މަސައްކަތްކުރާ ބިދޭސީ ނަރުހުންގެ ބަދަލުގައި ދިވެހި ނަރުހުން ހޯދަން އިއުލާންކޮށްފިއެވެ.

ހއ. އަތޮޅު ހޮސްޕިޓަލުން އިއްޔެ ކުރި އިއުލާނެއްގައި ބުނީ، އެ އަތޮޅު ހޮސްޕިޓަލަށާއި ސިއްހީ މަރުކަޒުތަކަށް ދާއިމީ 52 ދިވެހި ރެޖިސްޓާޑް ނަރުހުން ބޭނުންވާ ކަމަށެވެ.

ހއ. އަތޮޅު ހޮސްޕިޓަލް އަދި އެ އަތޮޅުގެ ސިއްހީ މަރުކަޒުތަކަށް ބޭނުންވާ ނަރުހުންގެ އަދަދާއި ރަށް:

އަތޮޅު ހޮސްޕިޓަލަށް: 13 ނަރުހުން
ބާރަށް ސިއްހީ މަރުކަޒަށް: 2 ނަރުހުން
މުރައިދޫ ސިއްހީ މަރުކަޒަށް: 2 ނަރުހުން
ތަކަންދޫ ސިއްހީ މަރުކަޒަށް: 6 ނަރުހުން
ހޯރަފުށީ ސިއްހީ މަރުކަޒަށް: 4 ނަރުހުން
ތުރާކުނު ސިއްހީ މަރުކަޒަށް: ނަރުހެއް
އުލިގަމު ސިއްހީ މަރުކަޒަށް: 2 ނަރުހުން
މޮޅަދޫ ސިއްހީ މަރުކަޒަށް: 2 ނަރުހުން
ކެލާ ސިއްހީ މަރުކަޒަށް: 8 ނަރުހުން
ވަށަވަރު ސިއްހީ މަރުކަޒަށް: 3 ނަރުހުން
ފިއްލަދޫ ސިއްހީ މަރުކަޒަށް: 2 ނަރުހުން
މާރަންދޫ ސިއްހީ މަރުކަޒަށް: ނަރުހެއް
އުތީމު ސިއްހީ މަރުކަޒަށް: 2 ނަރުހުން

މަގާމާއި ޝަރުތު އަދި މުސާރަ:

ޕަބްލިކް ސާވިސް ރޭންކް 5 އަށް: މުސާރަ/ 16،741 ރުފިޔާ އަދި މަސައްކަތައް ނުކުންނަ ކޮންމެ ދުވަހަކަށް 144 ރުފިޔާ
ޕަބްލިކް ސާވިސް ރޭންކް 7 އަށް: މުސާރަ 19،151 ރުފިޔާ އަދި މަސައްކަތައް ނުކުންނަ ކޮންމެ ދުވަހަކު 165 ރުފިޔާ
އެހެނިހެން އެލަވަންސްގެ ތެރޭގައި ސިވިލް ސާވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ އަދި ބަންދު ދުވަހުގެ ފައިސާ

ނަރުހުންގެ މަގާމަށް އެދި ހުށަހަޅަންޖެހޭ ތަކެތި ހުށަހަޅަންޖެހޭ ސުންގަޑިއަކީ މި މަހުގެ 30 ވަނަ ދުވަހުގެ މެންދުރުފަހު 1:00ގެ ކުރިން، ހއ. އަތޮޅު ހޮސްޕިޓަލްގެ އިދާރީ އޮފީހަށެވެ. ވަޒީފާއަށް އެދޭ ފޯމާއި ލިޔުންތައް އީ މެއިލް [email protected] މެދުވެރިކޮށްވެސް ބަލައިގަންނާނެ ކަމަށް އިއުލާނުގައި ބުނެފައިވެއެވެ.