މަސްތުވާތަކެތި ބޭނުންކުރާ މީހުންނަށް ފަރުވާދޭ ޑްރަގް އޮފެންޑާސް ރިމާންޑް ސެންޓަރު އަލުން ހުޅުވައިފި އެވެ.
ފުލުހުން ބުނެފައިވަނީ ހޯމް މިނިސްޓްރީގެ އިސްނެގުމުގެމަތުން ފުލުހުން ސެކިއުރިޓީ ބަލަހައްޓާގޮތަށް އެސެންޓަރުގެ ހިންގުން ނެޝަނަލް ޑްރަގް އޭޖެންސީ(އެންޑީއޭ) އިން ފަށާފައިވާކަމަށެވެ. އަދި، މަސްތުވާތަކެތި ބޭނުންކުރާ މީހުންގެ ތެރެއިން ރަނގަޅުވާން އެދިފައިވާ 7 މީހަކު މިމަހުގެ 15 އިން 21 ގެ ނިޔަލަށް ފުލުހުންގެ ފަރާތުން އެންޑީއޭއާ ހަވާލުކޮށްފައިވާކަމަށް ފުލުހުން ބުނެފައި ވެއެވެ.
ޑްރަގް އޮފެންޑާސް ރިމާންޑް ސެންޓަރު ހިންގަން ފެށީ ހިއްމަފުށީގައި ހުންނަ ޑްރަގް ޓްރީޓްމެންޓް އެންޑް ރީހެބިލިޓޭޝަން ސެންޓަރުގައި ކަމަށްވެސް ފުލުހުން ބުނެފައި ވެއެވެ.
މަސްތުވާތަކެއްޗާ ބެހޭ ގާނޫނުގެ ދަށުން ގާއިމުކުރަންޖެހޭ ޑްރަގް އޮފެންޑާސް ރިމާންޑް ސެންޓަރަކީ، މަސްތުވާތަކެތި ބޭނުންކުރުމާއި، ޕެޑެލްކުރުމުގެ ކުށުގެ ތުހުމަތުގައި ހައްޔަރުުކުރާ މީހުން، ބަންދުގެ މުއްދަތުގައި އެތަނުގައި ބައިތިއްބައިގެން، އަސާސީ ފަރުވާ ދޭން ގާއިމުކޮށްފައިވާ ސެންޓަރެކެވެ.
