މިނިސްޓަރުންތަކެއް މިއަދު ޗައިނާ އަސް ފުރާވަޑައިގެންފި އެވެ.
ފޮރިން މިނިސްޓަރުު މޫސާ ޒަމީރު އިސްކޮށް ހުންނެވި ދަތުރުގައި ބައިވެރުވެވަޑައިގަންނަވަނީ ފިނޭންސް މިނިސްޓަރު ޑރ. އަޙްމަދު ޝަފީގުގެ އިތުރުން ކޮންސްޓްރަކްޝަން މިނިސްޓަރު ޑރ. ޢަބްދުﷲ މުއްތަލިބެވެ.
މިއީޗައިނާގެ މެމްބަ އޮފް ދަ ޕޮލިޓިކަލް ބިއުރޯ އޮފް ދަ ސީ.ޕީ.ސީ ސެންޓްރަލް ކޮމިޓީ، ޑިރެކްޓަ އޮފް ދަ އޮފީސް އޮފީސް އޮފް ދަ ސެންޓްރަލް ކޮމިޝަން ފޮ ފޮރިން އެފެއާޒް ފޮރިން އެފެއާޒް ވަންގ ޔީ ގެ ދައުވަތަކަށް، މިއަދުން ފެށިގެން މި މަހުގެ 24 އަށް ކުރައްވާ ދަތުރެކެވެ.
މި ދަތުރަ، ރައީސް ޑރ. މުޙައްމަދު މުޢިއްޒު މި އަހަރުގެ ކުރީކޮޅު ޗައިނާ އަށް ކުރެއްވި ދަތުރުގައި ދެ ޤައުމުގެ ލީޑަރުން މަޝްވަރާކުރެއްވި ކަންކަމާއި، އެއްބަސްވެވަޑައިގެންފައިވާ ކަންކަން ތަންފީޒުކޮށް ހަލުވި ދުވެލީގައި ކުރިއަށް ގެންދިއުމަށްޓަކައި، ދެ ސަރުކާރު ދެމެދު މަޝްވަރާކުރުމަށްޓަކައި ކުރައްވާ ދަތުރެއް ކަމަށް ވެސް ފޮރިން މިނިސްޓްރީން ބުންޏެވެ.
އެގޮތުން ފޮރިން މިނިސްޓަރު، ޗައިނާގެ ޚާރިޖީ ވަޒީރު ވަން ޔީ އާ ބައްދަލުކުރައްވައި، ދެ ޤައުމު ދެމެދު ރަސްމީ މަޝްވަރާ ބޭއްވުމަށް ހަމަޖެހިފައިވެ އެވެ. މީގެ އިތުރުން، ހިރާއްޖެ އާއި ޗައިނާއާ ދެމެދު އޮތް ޒަމާންވީ ގުޅުން އިތުރު ކުރުމާގުޅޭ ގޮތުން، ޗައިނާ ސަރުކާރުގެ އިސްވެރިންނާ ބައްދަކުރެއްވުމަށް ވެސް ހަމަޖެހިފައިވެ އެވެ.
މީގެ އިތުރުން، ރާއްޖޭގެ ތަރައްޤީގެ މަސައްކަތްތަކުގައި ހިއްސާވާ ޗައިނާ ސަރުކާރުގެ މައި ކުންފުނިތަކާ ބައްދަކުރައްވައި، މިހާރު ކުރިޔަށްދާ މަޝްރޫޢުތަކާ ގުޅޭ އަދާހަމަ ހިއްސާ ކުރުމަށް ވެސް ވަނީ ހަމަޖެހިފައިވެ އެވެ.
