މޫސުމާ ބެހޭ ޤައުމީ އިދާރާއިން އުތުރުގެ އަތޮޅުތަކަށް ޔެލޯ އެލާޓް ދަމަހައްޓައިފިއެވެ.
މިއަދުވެސް އުތުރު އަތޮޅުތަކުގައި މޫސުން ގޯސްވުމުގެ އިންޒާރު ދެމިއޮތުމާއެކު، މޫސުމާބެހޭ ޤައުމީ އިދާރާއިން ވަނީ ރައްޔިތުންނަށް ސަމާލުވުމަށް އިލްތިމާސްކޮށްފައެވެ.
ހއ އަތޮޅުން ފެށިގެން އދ އަތޮޅާ ހަމައަށް ރީނދޫ ސަމާލުކަން ނެރެފައިވާއިރު، މި ސަރަހައްދުގައި ގަޑިއަކު 25-30 މޭލުގެ ބާރުމިނުގައި ވައިޖެހި، ވިއްސާރައިގެ ތެރޭގައި ވައިގެ ބާރުމިން ގަޑިއަކު 50 މޭލަށް އަރައި، ކަނޑު ބޮޑަށް ގަދަވާނެ ކަމަށްވެސް މޫސުމާބެހޭ އިދާރާއިން ލަފާކޮށްފައި ވެއެވެ. އަދި ބައެއް ރަށްތަކަށް އުދައެރުމުގެ ފުރުސަތު އޮތްކަމަށްވެސް އެ އިދާރާއިން ވަނީ އަންގާފައެވެ.
މޫސުމާ ބެހޭ ގައުމީ އިދާރާ އިން ރީނދޫ ސަމާލު ނެރެފައި ވަނީ ހއ. އަތޮޅުން ފެށިގެން އދ. އަތޮޅާ ހަމައަށް ހެނދުނު 10:00 އިން 14:00 އަށެވެ.
މިދިޔަ އާދިއްތަ ދުވަހުން ފެށިގެން މުޅި ރާއްޖެ އަށް މިހާރު ކުރަމުންދާ ވިއްސާރާގައި މާލެ އާއި އަތޮޅުތެރޭގެ ރަށްތަކުގައި އިއްޔެ ވަނީ ވަރަށް ބޮޑަށް ފެން ބޮޑުވެފައެވެ.
