ގަލޮޅުގައި ހުރި ގަރާޖެއްގައި އަލިފާނުގެ ހާދިސާއެއް ހިނގައި އެކަކު ފިހި، އަނެކަކަށް ދުމުގެ އަސަރުކޮށްގެން ފަރުވާދޭން ފަށައިފިއެވެ.
ފުލުހުން ބުނީ އަލިފާނުގެ ހާދިސާގެ ރިޕޯޓް ލިބިފައި ވަނީ 8:43 ހާއިރު ކަމަށެވެ. އެގޭގައި ރޯވި އަލިފާންގަނޑު މިހާރު ނިއްވާލާފައިވާއިރު، އަލިފާން ރޯވާން މެދުވެރިވި ސަބަބެއް އެނގިފައެއް ނުވެ އެވެ.
މި ހާދިސާއާ ގުޅޭގޮތުން އެމްއެންޑީއެފުން ބުނީ ބަންގްލަދޭޝް އަދި އިންޑިއާ މީހަކަށް އައިޖީއެމްއެޗް އާއި އޭޑީކޭ އަށް ގެންގޮސް ފަރުވާ ދެމުންދާ ކަމަށެވެ. އެކަކަށް ފަރުވާ ދެނީ ދުމުގެ އަސަރުކޮށްގެން ކަމަށްވާއިރު އަނެއް މީހާ އަލިފާނުގެ ސަބަބުން ކޮންމެވެސް ވަރަކަށް ފިހިފައިވާ ކަމަށް އެމްއެންޑީއެފުން މައުލޫމާތުދެ އެވެ.
+1
+1
+1
+1
+1
+1
