ސްޓެލްކޯގެ ނަމުގައި ސްކޭމް ކޯލްތަކެއް ކުރާތީ ސަމާލުވުމަށް އިލްތިމާސް ކޮށްފިއެވެ.
ސްޓެލްކޯގެ އެމްޑީ ހުސައިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ ސްޓެލްކޯގެ ކަސްޓަމަރުންނަށް އެ ކުންފުނީގެ ނަމުގައި ގުޅަމުންދާކަން ފާހަގަ ކުރެވިފައިވާ ކަމަށެވެ. މިފަދަ މީހުންނަށް ސަމާލުވުމަށް އިލްތިމާސް ކޮށްފައިވެއެވެ.
ފަހުމީ ވިދާޅުވީ ކަސްޓަމަރެއްގެ ޒާތީ އަދި މާލީ މައުލޫމާތު ސްޓެލްކޯއިން ފޯނުން ގުޅާ ސާފުނުކުރާނެ ކަމަށެވެ. އަދި ޝައްކު ކުރެވޭފަދަ ނަންބަރަކުން ގުޅާ ވާހަކަ ދައްކާނަމަ އެ ކޯލަކަށް ޖަވާބު ނުދިނުމަށް އިލްތިމާސް ކޮށްފައިވެއެވެ.
މީގެއިތުރުން ސްޓެލްކޯއާ ދެމެދު ކުރާ މުއާމަލާތުގެ ސައްހަކަން ކަށަވަރު ކުރުމަށް ސްޓެލްކޯގެ ރަސްމީ ޗެނަލްތަކުން ސްޓެލްކޯއާ ގުޅައިގެން ކުރިއަށް ގެންދިއުމަށްވެސް އެދިފައިެވެވެ.
ސްޓެލްކޯއިން ދާދިފަހުން ވަނީ ކަސްޓަމަރުންނަށް ފަސޭހައިން ގުޅޭނެގޮތް ހެދުމަށް ހޮޓްލައިންއެއްވެސް ގާއިމު ކޮށްފައެވެ. ސްޓެލްކޯގެ ހޮސްޓަލައިން އަކީ 1545 އެވެ.
