އުމުރުން 10 އަހަރުގެ އަންހެން ކުއްޖަކާ ބެހިގެން ހައްޔަރުކުރި މީހާގެ ބަންދަށް 30 ދުވަސް ޖަހައިފި އެވެ.
މި މައްސަލައާ ގުޅިގެން ހައްޔަރުކޮށްފައިވަނީ އުމުރުން 51 އަހަރުގެ ދިވެހި ފިރިހެނެކެވެ.
ފުލުހުން ބުނީ ސައުތު ސެންޓްރަލް ޕޮލިސް (މ، ފ، ދ، ތ، ލ) ހިމެނޭ ރަށަކުން، ޖިންސީ ގޯނާގެ އެ މައްސަލަ ރިޕޯޓު ކުރީ އިއްޔެގެ ވަގުތެއްގައި ކަމަށެވެ. އެކަމާ ގުޅިގެން އިތުރު ތަފްސީލެއް ހާމަނުކޮށް ފުލުހުން ބުނީ، އެ މައްސަލަ މިހާރު އިތުރަށް ތަހުގީގު ކުރަމުން އަންނަ ކަމަށެވެ.
އެނގިފައިވާ ގޮތުގައި ކުއްޖާއާ ބެހުނު މީހާ އަކީ އެ ކުއްޖާ ދާ ޤުރުއާން ކުލާސް ހިންގާ ޤާރީ އެވެ. އަދި އޭނަ އަކީ ރަށު މިސްކިތެއްގެ މުދިމެއް ވެސް މެ އެވެ.
ރާއްޖޭގައި އެންމެ އާންމު ކުށްތަކުގެ ތެރޭގައި ކުޑަކުދިންނަށް ޖިންސީ ގޯނާކުރުމުގެ މައްސަލަތައް ހިމެނެ އެވެ.
+1
+1
+1
+1
+1
+1
