އައްޑޫ ސިޓީ ކައުންސިލްގެ ސެކްރެޓަރީ ޖެނެރަލް (އެސްޖީ) ގެ މަގާމަށް އިމާދު ސޯލިހު ހަމަޖައްސަވައިފި އެވެ.
އައްޑޫ ކައުންސިލްގެ އެސްޖީގެ މަގާމާއި އިމާދު ހަވާލުވެވަޑައިގެންނެވީ އިއްޔެ އެވެ.
އެ މަގާމުގައި އެންމެފަހުން ހުންނެވި މުހައްމަދު ޝުޖާއު ވަނީ މިދިޔަ އޮގަސްޓު މަހުގެ ތެރޭގައި މަގާމުން އިސްތިއުފާ ދެއްވާފަ އެވެ. އެ މަގާމަށް ޝުޖާއު އައްޔަންކޮށްފައިވަނީ 2021 ވަނަ އަހަރު އެވެ.
އިމާދު އެންމެފަހުން ހުންނެވީ ނެޝަނަލް ޑްރަގް އޭޖެންސީ (އެންޑީއޭ)ގެ ސީއީއޯގެ މަގާމުގަ އެވެ. އެ މަގާމުން މިދިޔަ ޖުލައި މަހު އޭނާ ވަނީ ވަކިކޮށްފަ އެވެ.
ސެކްރެޓަރީ ޖެނެރަލްގެ މަގާމަކީ، ކައުންސިލްގެ އިދާރާގެ އިދާރީ އެންމެ އިސް މަގާމެވެ. ކައުންސިލްގެ ލަފާގެ މަތިން، ކައުންސިލްގެ އިދާރާގެ އިދާރީ އެންމެހާ ކަމެއް ހިންގައި ބެލެހެއްޓުމާއެކު، މާލީ ޒިންމާދާރުވެރިޔާގެ މަސްއޫލިއްޔަތު ވެސް އަދާކުރަންޖެހެނީ ކައުންސިލްގެ ސެކްރެޓަރީ ޖެނެރަލް އެވެ.
