މިދިޔަ ބުރާސްފަތި ދުވަހު މާލޭގައި ހިނގި އަލިފާނުގެ ބޮޑު ހާދިސާގައި ލިޔެކިޔުންތަކާއި މާލޭގެ މަންޒަރުތަކެއް ގެއްލުމާ ގުޅިގެން ޑްރޯން ބޭނުންކޮށްގެން މާލޭ މެޕްކުރުމުގެ މަސައްކަތް ފަށައިފި އެވެ.
ހައުސިން މިނިސްޓްރީން ބުނީ، އެ ހާދިސާގައި މާލޭގެ މެޕުގެ މުހިންމު ބައެއް މަންޒަރުތައް ގެއްލުފައިވާތީ ޑްރޯން ބޭނުންކޮށްގެން މާލޭގެ މެޕިންގެ މަސައްކަތް މިހާރު ކުރަމުން އަންނަ ކަމަށެވެ.
އަލިފާނުގެ ހާދިސާގައި ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އާއި އެންވަޔަރަމަންޓް މިނިސްޓްރީ ހިންގަމުން އައި އިމާރާތްތައް ރޯވި އެތަންތަނުގައި ހިންގަމުން އައި މާލެ ސިޓީ ކައުންސިލްގެ ސެކްޝަނަކާއި އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) ގެ އޮފީހަށް ވަނީ ބޮޑެތި ގެއްލުންތަކެއް، އެތަކެއް އަހަރެއްގެ ލިޔުންކިޔުންތަކެއް އަނދައިގެން ގޮސްފަ އެވެ.
އެގޮތުން މާލެ ސިޓީ ކައުންސިލްގެ ސެކްޝަމުން ރަށްވެހިންގެ އުފަން ދުވަހުގެ ސެޓްފިކެޓާއި، ގޯތީގެ ރަޖިސްޓްރީފަދަ މުހިންމު ލިޔެކިޔުންތަކެއް ގެއްލިދާނެކަމުގެ ކަންބޮޑުވުން ކައުންސިލުން ފާހަގަކޮށްފައިވެ އެވެ.
