"ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް ގޯތިތަކެއް ވިއްކި ކަމަށް ތުހުމަތުކުރެވޭ މައްސަލައިގައި ހައުސިން މިނިސްޓްރީ ސިޔާސީ މުވައްޒަފުންތަކެއް ސަސްޕެންޑްކޮށްފި އެވެ.
އެނގިފައިވާ ގޮތުގައި ސަސްޕެންޑްކުރީ އެ މިނިސްޓްރީގެ 10 މުވައްޒަފެކެވެ. އޭގެ ތެރޭގައި ހިމެނެނީ ޑެޕިއުޓީ މިނިސްޓަރުންނާއި ޕޮލިޓިކަލް ޑައިރެކްޓަރުންތަކެކެވެ.
ބިންވެރިޔާ ސްކީމުން ގޯތި ލިބުނު މީހުންގެ ތެރޭގައި ފަޒީލްގެ ނަން ހިމެނިފައި ނެތް އިރު އޭނާއަށް ކޮންމެވެސް ފަރާތަކުން ވަނީ ގޯތީގެ ރަޖިސްޓަރީއެއް ހަދައިދީފަ އެވެ. އެގޮތަށް އެހެން ބައެއް މީހުންނަށްވެސް ރަޖިސްޓަރީ ހަދައިދީފައިވާ ކަމަށްވެ އެވެ.
މިމައްސަލަ ފެންމަތިވުމާ ގުޅިގެން ޕްރޮސެކިއުޓާ ޖެނަރަލް އައްބާސް ޝަރީފް ވަނީ މިކަމާ ގުޅޭ ޖިނާއީ ތަހުގީގެއް ހިންގުމަށް އަމުރުކުރައްވާފަ އެވެ. މިމައްސަލައިގެ ތަހުގީގު ފުލުހުންގެ އިތުރުން އޭސީސީ އިން ވަނީ ފަށާފަ އެވެ.
އެގޮތުން އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު ހިމެނޭހެން 20 މީހެއްގެ ޕާސްޕޯޓް ވެސް މިހާރު ވަނީ ހިފަހައްޓައިފަ އެވެ.
