އަބްދުއްރަހީމް މާލެ ވަޑައިގެންފި

މެލޭޝިއާއަށް ކުރެއްވި ދަތުރު ކުރުކޮށްލެއްވުމަށް ފަހު ރައްޔިތުންގެ މަޖިލީހުގެ ރައީސްކަމުން އަބްދުއްރަހީމް އަބްދުﷲ މިރޭ މާލެ ވަޑައިގެންފި އެވެ.

އަބްދުއްރަހީމް މިރޭ މާލެ ވަޑައިގެންފައިވާއިރު ދަރިކަލުން އިބްރާހިމް ފައިސަލް ވަނީ ޓުއަރިޒަމް މިނިސްޓަރުގެ މަގާމުން މިއަދު ވަކިކޮށްފަ އެވެ.

ސޯޝަލް މީޑިއާގައި އާންމުވެފައިވާ ވީޑިއޯތަކުން ފެންނަ ގޮތުން އަބްދުއްރަހީމް ފުލައިޓުން ފައިބައިވަޑައިގެން އަރާވަޑައިގެންނެވީ އެމަނިކުފާނުގެ ކާރަށެވެ.

ރާއްޖޭގެ މީޑިއާއަކަށް މިއަދު ދެއްވި އިންޓަވިއުއެއްގައި އަބްދުއްރަހީމް ވިދާޅުވީ އެމަނިކުފާނާއި ރައީސް ޑރ. މުހައްމަދު މުއިއްޒުއާ އޮތް ގުޅުން ހީނަރުނުވާ ނަމަ ފައިސަލް މަގާމުން ވަކި ނުކުރީސް ކަމަށެވެ.

އެނގިފައިވާ ގޮތުގައި އަބްދުއްރަހީމް ވަނީ އެ ޕާޓީގެ ހުރިހާ މަސައްކަތަކުން ވެސް އެކަހެރިކޮށްފަ އެވެ.