ޚާރިޖީ ވަޒީރު ޑރ. ޢަބްދުﷲ ޚަލީލް، ރަސްމީ ދަތުރުފުޅެއްގައި ސްވިޓްޒަރލަންޑްގެ ޖެނީވާއަށް ވަޑައިގަންނަވައިފިއެވެ.
ވަޒީރު މިއަދު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ އެމަނިކުފާނު ޖެނީވާއަށް ވަޑައިގެންނެވީ އ.ދ. ގެ ހިއުމަން ރައިޓްސް ކައުންސިލްގެ 58 ވަނަ ސެޝަންގެ ހައި-ލެވެލް ސެގްމަންޓުގައި ބައިވެރިވެވަޑައިގެންނެވުމަށް ކަމަށެވެ.
މިގޮތުން ވަޒީރު ވިދާޅުވީ މަތީ ފެންވަރުގެ އާންމު ބަހުސްގައި ވާހަކަދައްކަވައި، މަތީ ފެންވަރުގެ ބައެއް މަޝްވަރާތަކުގައި އެމަނިކުފާނު ބައިވެރިވެވަޑައިގެންނަވާނެ ކަމަށެވެ.
މީގެ އިތުރުން ވަޒީރު ވިދާޅުވީ މި ސެޝަންގައި ބައިވެރިވެ، ސެޝަންގެ އެހެނިހެން ބައިވެރިންނާ ބައްދަލުކުރެއްވުމަށް އުއްމީދުކުރައްވާ ކަމަށެވެ.
+1
+1
+1
+1
+1
+1
