ސްޓެލްކޯގެ މެރިޓް ބޭސްޑް އިންޖިނިއަރިންގ ސްކޮލަރޝިޕަށް ކުރިމަތިލުމަށް އޭޕްރިލް މަހުގެ ނިޔަލަށް ހުޅުވާލައިފިއެވެ.
އެ ކުންފުނިން ވިދާޅުވީ 24 އަހަރުން ދަށުގެ ދިވެހި ދަރިވަރުންނަށް މި ޖާގަތަކަށް ކުރިމަތިލެވޭނެކަމަށެވެ. އަދި ހިސާބާއި ފިޒިކްސް ނުވަތަ ކެމިސްޓްރީ އާއި ކޮމްޕިއުޓަރ ސައިންސް ހިމެނޭހެން އޭލެވެލްގައި ދެ A ސްޓަރ އާއި A އެއް ހޯދާފައިވާ ދަރިވަރަކަށް ނުވަތަ އެއާއި އެއްވަރުގެ އައިބީ ސެޓްފިކޭޝަނެއް އޮތް ފަރާތްތަކަށް ވާންޖެހޭނެ ކަމަށެވެ.
އިނގިރޭސިވިލާތުގައި ބެޗްލަރސް ޑިގްރީ ހާސިލް ކުރުމަށް ތިން ފުރުސަތު ހުޅުވާލާފައިވާިއރު، އެއީ މެކޭނިކަލް އިންޖިނިއަރިންގ ދާއިރާއިން ދެ ޖާގައާއި އިލެކްޓްރިކަލް އެންޑް އިލެކްޓްރޯނިކް އިންޖިނިއަރިންގ ދާއިރާއިން އެއްޖާގައެވެ.
ސްޓެލްކޯ އިން ވިދާޅުވީ މި ކޯސްތައް ފުރިހަމަކުރާ ދަރިވަރުން ކޯސް ނިންމުމަށްފަހު، އެ ކުންފުންޏަށް ހިދުމަތްކުރަން ޖެހެނެ ކަމަށާއި ކޯސް ފެށުމުގެ ކުރިން އެ ކުންފުނީގައި އިންޓަރންޝިޕް ވެސް ހަދަން ޖެހޭނެ ކަމަށެވެ.
މި ސްކޮލަރޝިޕަށް ހޮވޭ ދަރިވަރުންނަށް ކޯސްފީ އާއި ސްޓައިޕަންޑާއި ވިސާ ފީ އާއި ދެކޮޅު ޓިކެޓާއި ބުކް އެލަވެންސް އަދި އެސްޓަބްލިޝްމަންޓް އެލަވެންސް ދިނުމަށް ވަނީ ނިންމާފައެވެ.
