ބަންގްލަދޭޝްގެ ކުރީގެ ބޮޑުވަޒީރު ޚާލިދާ ޒިއާގެ ހާލު ސީރިއަސްވެ އައިސީޔޫގައި ފަރުވާދޭން ފަށައިފި އެވެ.
މިމަހުގެ 23 ވަނަ ދުވަހު ފުއްޕާމޭގެ އިންފެކްޝަނެއް ޖެހިގެން ޚާލިދާ ޒިއާ އެޑްމިޓްކުރީ މި މަހުގެ 23 ވަނަ ދުވަހު އެވެ.
ޚާލިދާގެ އާއިލާ އާއި އޭނާގެ ބަންގްލާދޭޝް ނެޝަނަލް ޕާޓީ (ބީއެންޕީ) އިން ޑޮކްޓަރުންނާއި ހަވާލާދީ ބުނެފައިވަނީ އޭނާގެ ހާލު ވަރަށް ސީރިއަސް ކަމަށާއި އެންމެން ވެސް ޚާލިދާއަށް ޝިފާ ދެއްވުން އެދި ދުއާކޮށްދިނުމަށް އެދޭކަމަށެވެ.
"ދަ ޑެއިލީ ސްޓާ" އިން ރިޕޯޓް ކޮށްފައިވާ ގޮތުގައި ޚާލިދާއަށް ހިތުގެ މައްސަލަތަކާއި ކިޑްނީގެ މައްސަލަތަކާއި ހަކުރު ބައްޔާއި ފުއްޕާމޭގެ މައްސަލަތަކާއި އާތުރައިޓިސް އަދި ލޮލުގެ މައްސަލަތައް ވެސް ކުރިމަތިވެފައިވެ އެވެ.
ޚާލިދާ ޒިއާ ވަނީ ތިން ފަހަރު ބަންގްލަދޭޝްގެ ބޮޑުވަޒީރުކަން ކުރައްވާފަ އެވެ. އޭނާގެ މައްޗަށް ކޮރަޕްޝަންގެ މައްސަލަ ސާބިތުވެ 2018 ވަނަ އަހަރު ވަނީ ޖަލަށްލާފަ އެވެ. ނަމަވެސް މިދިޔަ އަހަރު އޭނާ ވަނީ މިނިވަންވެފަ އެވެ.
ޚާލިދާ ޒިއާ ބަންގްލަދޭޝްގެ ފުރަތަމަ އަންހެން ބޮޑުވަޒީރަކަށް ވެވަޑައިގަތީ 1991ގައެވެ. އަދި ދެވަނަ ފަހަރަށް އެގައުމުގެ ބޮޑުވަޒީރުކަން ކުރެއްވީ 2001އިން 2006އަށެވެ.
އަންނަ އަހަރުގެ ފެބްރުއަރީ މަހު ބާއްވާ އިންތިހާބުގައި ވާދަކުރައްވާނެ ކަމަށް ޒިއާ ވަނީ އިއުލާން ކުރައްވާފަ އެވެ.
