ނިމާލަށް ސްޓްރޯކެއް ޖެހި ފަރުވާ ދެނީ

ސްޓްރޯކް ޖެހުމާ ގުޅިގެން ނިމާލަށް ފަރުވާ ދެމުންދަނީ އޭޑީކޭ ހޮސްޕިޓަލް ގައެވެ.
މައުލޫމާތު ލިބިފައިވާ ގޮތުގައި ނިމާލްގެ ހާލު ސީރިއަސް އެވެ.
ރާއްޖޭގެ ފިލްމީ ދާއިރާގައި ގިނަ ފިލްމުތަކެއް ކުޅެ އަދި ގިނަ ފިލްމުތަކެއް ޑައިރެކްޓްވެސް ކޮށްފައިވާ ނިމާލަކީ ކުޅަދާނަ ޑައިރެކްޓަރެއްގެ އިތުރުން އެކްޓަރެއް، އެޑިޓަރެއް، ލިޔުންތެރިއެއް އަދި ޕްރޮޑިއުސަރެއް ވެސް މެއެވެ.

އޭނާ ޑައިރެކްޓުކޮށްފައިވާ ފިލްމުތަކުގެ ތެރެއިން ޒަލްޒަލާ، ވާލޯބި އެނގޭނަމަ، ޚަލާސް ފަދަ ދިވެހީންގެ މަގުބޫލުކަން ހޯދާފައިވާ ފިލްމުތައް ހިމެނެއެވެ.

ޢުމުރުން 62 އަހަރުގެ ނިމާލަކީ ރާއްޖެ ފިލްމީ އިންޑަސްޓްރީގައި އެންމެ ގިނަ ދުވަސްވީ އެއް ފަންނާނެވެ.