އޮސްޓްރޭލިއާ ސަރުކާރުން ރާއްޖެއަށް މިހާތަނަށް ނުވަ މިލިއަން ރުފިޔާގެ އެހީ ފޯރުކޮށްދީފައިވާކަމަށް އެގައުމުން ރާއްޖެއަށާއި ސްރީލަންކާއަށް ކަނޑައަޅާފައިވާ ހައި ކޮމިޝަނުން ބުނެފި އެވެ.
އޮސްޓްރޭލިއާއިން އިއްޔެ ވަނީ ރާއްޖެއަށް 3.5 ޓަނުގެ ޕާސަނަލް ޕްރޮޓެކްޓިވް އިކުއިޕްމެންޓު (ޕީޕީއީ) ހަދިޔާ ކޮށްފަ އެވެ. މިއީ ކޮވިޑް-19 އިން ރައްކާތެރިވުމަށް ބޭނުންކުރާ ކިޓެެވެ. މިކަން އޮސްޓްރޭލިއާ ހައިކޮމިޝަނުން ވަނީ ހާމަކޮށްފަ އެވެ.
"އޮސްޓްރޭލިއާ ސަރުކާރުން މިހާތަނަށް ވަނީ ކޮވިޑު އެހީގެ ގޮތުގައި އޮސްޓްްރޭލިއަން ޑޮލަރުގެ 780،000 (9 މިލިއަން ދިވެހި ރުފިޔާ) ގެ އެހީ ވަނީ ދީފައި" އޮސްޓްރޭލިއާ ހައި ކޮމިޝަނުން ބުންޏެވެ.
🇦🇺 was pleased to gift 🇲🇻 3.5 tonnes of Personal Protective Equipment (PPE). The 🇦🇺 Government’s COVID support to Maldives now totals AUD 780,000 (approx. MVR 9 million) including donations of PPE, capacity building for frontline workers & support for women & girls. pic.twitter.com/VWHBdvS1a2
— Australia in Sri Lanka and Maldives (@AusHCSriLanka) July 27, 2021
އެހީގެ ގޮތުގައި ފޯރުކޮށްދިން ތަކެތީގެ ތެރޭގައި ޕީޕީއީގެ އިތުރުން ފްރަންޓްލައިން މަސައްކަތްތެރިންނަށާއި ސިއްހީ އިމާރާތްތަކަށްވެސް އެހީ ފޯރުކޮށްދިނެވެ. އަދި އަންހެން ކުދިންނާއި އަންހެން ކުޑަކުދިންނަށްވެެސް އެކި ކަހަލަ އެހީ ފޯރުކޮށްދީފައިވާކަމަށް ހައި ކޮމިޝަނުން ވަނީ ބުނެފަ އެވެ.
