މޯލްޑިވްސް މީޑިއާ ކައުންސިލްގެ ހުސްވެފައިވާ އާންމު މެމްބަރުކަމުގެ މަގާމަށް ކުރިމަތިލުމުގެ ފުރުސަތު ހުޅުވާލައިފި އެވެ.
މީޑިއާ ކައުންސިލްގެ ގާނޫނުގެ ދަށުން އެ ކައުންސިލްގެ ކަންކަން ހަވާލުކޮށްފައިވަނީ ހޯމް މިނިސްޓްރީ އާއެވެ. އެ މިނިސްޓްރީން މިއަދު ކުރި އިއުލާނެއްގައި ބުނީ މީޑިއާ ކައުންސިލްގެ ހުސްވެފައިވާ އާންމު މެންބަރުގެ މަގާމަށް ކުރިމަތިލުމުގެ ފުރުސަތު ހުޅުވާލާ ކަމަށެވެ.
އެކަމަށް އެދި ފޯމު ހުށަހަޅަން ޖެހެނީ މިމަހުގެ 17 ވަނަ ދުވަހުގެ 13:30 ގެ ކުރިންނެވެ. އެ ތާރީހުގެ ކުރިން ”ޖަދުވަލު 1 :މީޑިއާ ކައުންސިލް އިންތިޚާބުގައި މެންބަރުކަމަށް ކުރިމަތިލުމަށް އެދޭ ފޯމު“ އަދި ފޯމާއެކު ހުށަހަޅަންޖެހޭ ތަކެތި ހުށަހެޅުމަށް މިނިސްޓްރީން ވަނީ އެދިފަ އެވެ.
މީޑިއާ ކައުންސިލަށް މެމްބަރުން ހޮވަނީ 2 އަހަރުގެ މުއްދަތަކަށެވެ. ޖެހިޖެހިގެން ދެ ދައުރެއްގައި އެ ކައުންސިލްގެ މެމްބަރެއްގެ ގޮތުގައި މަގާމު ނުފުރޭނެ އެވެ.
