ކޮވިޑް-19 ގެ ހާލަތުގެ ސަބަބުން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މޮނިޓަރިންއަށް ލާފައިވާ ރަށްތަކުގެ އަދަދު 20 އަށް ތިރިވެއްޖެ އެވެ.
މި 20 ރަށަށް އަރައި ފޭބުން އެޗްޕީއޭއިން ވަނީ މަނާކޮށްފަ އެވެ.
އެ ރަށްތަކުގެ ތެރޭގައި ހިމެނެނީ ކ. ގާފަރު، ލ. މުންޑޫ، ށ. މިލަންދޫ، ވ. ތިނަދޫ، ހދ. ނޮޅިވަރަން އަދި އައްޑޫ ސިޓީގެ ފަސް ރަށެކެވެ. މީގެ އިތުރުން ރ. ރަސްމާދޫ، ވ. ފުލިދޫ، ރ. ކިނޮޅަސް، ބ. މާޅޮސް، ކ. ގުޅި، ގއ. ގެމަނަފުށި، ގއ. މާމެންދޫ އަދި ތ. ވޭމަންޑޫއާއި ތ. ދިޔަމިނގިލީވެސް އޮތީ މޮނިޓަރިންގަ އވެެ. އަދި ރ. ދުވާފަރުވެސް އޮތީ މޮނިޓަރިންގަ އެވެ. އެރަށް މޮނިޓަރިންގައި އޮންނަތާ މިހާރު ހަތަރު މަސް ދުވަސް ވެއްޖެ އެވެ.
ރާއްޖޭގައި ކޮވިޑުގެ ހާލަތު ރަނގަޅުވަމުން އައިނަމަވެސް އަތޮޅު ތެރެއިން މި ބައްޔަށް ޕޮޒިޓިވްވާ މީހުންގެ އަދަދު އަދިވެސް މުޅިން ދަށަކަށް ނުދެ އެވެ.
