މިއަހަރުގެ މަސްވެރިންގެ ދުވަސް ކ. ގާފަރުގައި ފާހަގަކުރަން ނިންމައިފި އެވެ.
ފިޝަރީޒް މިނިސްޓްރީން ބުނީ ގާފަރުގައި މިއަހަރު މަސްވެރިންގެ ދުވަސް ފާހަގަކުރަން ނިންމީ ހަރަދު ކުޑަކުރުމުގެ ގޮތުންނެވެ. އެގޮތުން މާލެއާއި ކައިރި ރަށެއްގައި މި ދުވަސް ފާހަގަކުރަން ނިންމުމުން ހަރަދު ކުޑަ ވާނެ ކަމަށް މިނިސްޓްރީން ބުންޏެވެ.
އެހެން އަހަރުތަކުގައި މަސްވެރިންގެ ދުވަސް ފާހަގަކުރަނީ ސަރުކާރުން އެކަމަށް ހުޅުވައިލުމުން ކުރިމަތިލާ ރަށްތަކަށް ބެލުމަށްފަހު އެވެ. އެހެންނަމަވެސް މިއަހަރު އެގޮތަށް ކަން ކޮށްފައެއް ނުވެ އެވެ.
މިއަހަރުގެ މަސްވެރިންގެ ދުވަސް ފާހަގަކުރުމުގެ ގޮތުން ކުރިއަށް ގެންދާނެ އެއްވެސް ހަރަކާތަކާއި ގުޅޭ މައުލޫމާތު ސަރުކާރުނ އަދި ހިއްސާއެއް ނުކުރެ އެވެ.
މަސްވެރިންގެ ދުވަހުގެ ގޮތުގައި ރާއްޖޭގައި ފާހަގަކުރަނީ ކޮންމެ އަހަރެއްގެ ޑިސެމްބަރު މަހުގެ 10 ވަނަ ދުވަހެވެ.
