އިތުރު 337 މީހުން ކޮވިޑް19 އަށް ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ އޭގެ ތެރޭގައި ހިމެނެނީ މާލެ ސަރަހައްދުން 101 މީހުންނާއި، އަތޮޅުތެރެއިން 129 މީހުން، ހިންގަމުންދާ ރިސޯޓުތަކުން 99 މީހުން، ސަފާރީތަކުން 2 މީހުން ކަމަށެވެ. އަދި ބާކީ 6 މީހުން ޕޮޒިޓިވްވެފައިވަނީ ކޮން ސަރަހައްދަކުން ކަމެއް ދެނެގަނެވިފައި ނުވާކަމަށް އެޗްޕީއޭއިން ބުނެއެވެ. މިއާއެކު ޕޮޒިޓިވްވި މީހުންގެ ޖުމްލަ އަދަދު 97،668ށް އަރާފައިވާއިރު، 94،091 މީހުން ވަނީ ބަލިން ރަނގަޅުވެފައެވެ.
މިވަގުތު 3300 މީހަކު ފަރުވާ ހޯދަމުން އަންނައިރު އޭގެތެރެއިން 15 މީހަކަށް ފަރުވާދެމުން އަންނަނީ އެޑްމިޓްކޮށްގެންނެވެ. މިދިޔަ 24 ގަޑިއިރުގެ ތެރޭގައި 123 މީހުންވަނީ މި ބަލިން ރަނގަޅުވެފައެވެ. މިހާތަނަށް ޖުމުލަ 94091 މީހަކު ވަނީ ބަލިން ރަނގަޅުވެފައެވެ.
+1
+1
+1
+1
+1
+1
