މާދަމާ ހެނދުނު ހުޅުމާލެއާއި މާލެއިން ކަރަންޓު ކެނޑުމަކީ އެކަށީގެންވާ ކަމެއްކަމަށް ސްޓެލްކޯއިން ބުނެފި އެވެ.
ސްޓެލްކޯއިން ބުނީ ގްރޭޓާމާލެ އިންޓަކަނެކްޝަން ގްރިޑްގެ މެއިންޓަނަންސް މަސައްކަތެއް މާދަމާ ކުރުމަށް ހަމަޖެހިފައި ވާތީ، މި މަސައްކަތުގެ ތެރެއިން މާދަމާ ހެނދުނު 6:00އިން 6:30އާ ދެމެދު މާލެއާއި، ހުޅުމާލެއިން ކަރަންޓު ކެނޑުމަކީ އެކަށީގެންވާ ކަމެއް ކަމަށެވެ.
https://twitter.com/STELCOMALDIVES/status/1484182528236060682?s=20&t=kVtEL93Y463su_c5PNt2Kg
މާލެއާއި، ހުޅުމާލޭގެ އިންޖީނުގެ މިހާރު ވަނީ ގްރޭޓާ މާލެ ގްރިޑް މެދުވެރިކޮށް ކާމިޔާބުކަމާ އެކު ސިންކްރޮނައިޒް ކުރެވިފައެވެ. މިހާރު މާލެއިން ހުޅުމާލެއަށް އަދި ހުޅުމާލެއިން މާލެއަށް ކަރަންޓު ފޯރުކޮށްދެވޭނެއެވެ. ގްރޭޓާ މާލެ ގްރިޑް ޕްރޮޖެކްޓަކީ މިހައިތަނަށް ރާއްޖޭގެ ހަކަތައިގެ ސިނާއަތުގައި ހިންގޭ މިފަދަ އެންމެ ބޮޑު އެއް މަޝްރޫޢުއެވެ. މިހާރު ކުރިޔަށްދަނީ މިމަޝްރޫއުގެ އެންމެ ފަހުގެ މަސައްކަތެވެ.
