ޖުވެނައިލް ޑިޓެންޝަން ސެންޓަރު ގާއިމުކޮށްފިއެވެ.
ހޯމް މިނިސްޓްރީން ބުނީ ކުޑަކުދިންގެ އަދުލުގެ ގާނޫނުގެ 82 ވަނަ މާއްދާގެ (ހ)ގެ 1 ވަނަ ނަންބަރުގައި ބަޔާންކުރާ ޖުވެނައިލް ޑިޓެންޝަން ސެންޓަރު ގާއިމުކުރުމަށް އެ މާއްދާގެ (ށ)އިން މިނިސްޓަރ އޮފް ހޯމްއެފެއަރޒްގެ މައްޗަށް ލާޒިމުކޮށްފައިވާތީ، ކ. ހިންމަފުށީ އައްސޭރި ޖަލުގައި ޖުވެނައިލް ޑިޓެންޝަން ސެންޓަރު އާދީއްތަ ދުވަހު ގާއިމުކޮށް، އެންޓި ޓޯޗަރ ގާނޫނުގެ 17 ވަނަ މާއްދާގެ (ހ)ގައި ވާ ގޮތުގެ މަތިން އާންމުކޮށް އަންގާ އިއުލާންކުރާ ކަމަށެވެ. ޖުވެނައިލް ޑިޓެންޝަން ސެންޓަރު ހިނގަމުންދާނީ މޯލްޑިވްސް ކަރެކްޝަނަލް ސަރވިސްގެ ބެލުމުގެ ދަށުން ކަމަށް ހޯމް މިނިސްޓްރީން ބުނެއެވެ.
އެހެންކަމުން ކ. ހިންމަފުށީ އައްސޭރި ޖުވެނައިލް ޑިޓެންޝަން ސެންޓަރެއް މިއަދު ގާއިމުކޮށް، ގާނޫނުގައިވާ ގޮތުގެ މަތިން އެކަން އާންމުކޮށް އަންގާ ހޯމް މިނިސްޓްރީން ވަނީ އިއުލާން ކޮށްފައެވެ.
ހޯމް މިނިސްޓްރީން އިތުރަށް ބުނީ، ކުޑަކުދިންގެ ޖުވެނައިލް ޑިޓެންޝަން ސެންޓަރު ހިނގަމުން ދާނީ މޯލްޑިވްސް ކަރެކްޝަނަލް ސާވިސް ގެ ބެލުމުގެ ދަށުން ކަމަށެވެ.
ކުޑަކުދިންގެ އަދުލުގެ ގާނޫނު ރައީސުލްޖުމްހޫރިއްޔާ އިބްރާހިމް މުހައްމަދު ޞޯލިހު ތަސްދީގު ކުރެއްވީ 2019 ވަނަ އަހަރުގެ ނޮވެމްބަރު މަހުގެ ތެރޭގައެވެ. އެ ގާނޫނުގައި ބުނެފައިވާ ގޮތުގައި، ކުޑަކުދިންގެ ކަރެކްޝަނަލް މަރުކަޒުތަކުގެ ގޮތުގައި ދެވައްތަރެއްގެ މަރުކަޒެއް ގާއިމް ކުރަން ޖެހެއެވެ.
