ވެލާނާ އިންޓަރނޭޝަނަލް އެއަރޕޯޓު (ވީއައިއޭ)ގެ އާ ރަންވޭ މިއަދު ބޭނުންކުރަން ފަށައިފިއެވެ.
އެ ރަންވޭ ބޭނުންކުރާނީ މިހާރު ބޯޓު ޖައްސަމުން ގެންދާ ރަންވޭގައި ބޯޓު ޖެއްސުމަށްފަހު އަނބުރާލައި ޕާކު ކުރުމަށް ދާ މަގެއްގެ ގޮތުގައި ކަމަށް އެމްއޭސީއެލްއިން ވަނީ ބުނެފަ އެވެ.
އެމްއޭސީއެލްއިން ބުނީ އާ ރަންވޭ ބޭނުންކުރާ ނަމަ ގަޑިއަކު އަށް ބޯޓު ޖެއްސުމުގެ ބަދަލުގައި 16 ބޯޓު ޖެއްސޭނެ ކަމަށެވެ. އަދި މިކަމުގެ ސަބަބުން ބޯޓު ލޭންޑް ނުކޮށް ވައިގެ ތެރޭގައި ދުއްވަން ޖެހޭ ވަގުތު މަދުވެގެންދާނެ ކަމަށް ވެސް އެމްއޭސީއެލްއިން ވަނީ ބުނެފަ އެވެ.
އާ ރަންވޭ ހެދީ ޗައިނާގެ އެގްޒިމް ބޭންކުން 373 މިލިއަން ޑޮލަރުގެ ލޯނެއް ނަގައިގެން، ޗައިނާގެ ބެއިޖިން އާބަން ކޮންސްޓްރަކްޝަން ގުރޫޕް (ބީޔޫސީޖީ) ކުންފުނިންނެވެ. އެ ރަންވޭގެ ދިގު މިނުގައި 3,400 މީޓަރު ހުންނައިރު، ފުޅާމިނުގައި 60 މީޓަރު ހުރެއެވެ.
