މިދިޔަ 24 ގަޑިއިރު މުޅި ރާއްޖޭން ފެނުނު ކޮވިޑް ކޭސްތަކުގެ އަދަދު 2،180 އަށް ދަށްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފައިވާ ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރު 6،403 ސާމްޕަލް ޓެސްޓްކޮށްފައިވެއެވެ. އޭގެތެރެއިން 3,082 ސާމްޕަލަކީ މާލެ ސަރަހައްދުން ޓެސްޓްކޮށްފައިވާ ސާމްޕަލްތަކެވެ. މާލެ ސަރަހައްދުން ޓެސްޓްކުރި ސާމްޕަލްތަކުގެ ތެރެއިން 931 ސާމްޕަލް ވަނީ ޕޮޒިޓިވްވެފައެވެ. އަދި އަތޮޅުތަކުން 811 މީހުން ޕޮޒިޓިވްވެފައިވާއިރު، ހިނގަމުންދާ ރިސޯޓްތަކުން 63 މީހުން ޕޮޒިޓިވްވެފައިވެއެވެ. 375 މީހުން ޕޮޒިޓިވްވެފައި ވަނީ ކޮންތަނަކުން ކަމެއް ދެނެގަނެވިފައެއްނުވެ އެވެ.
މުޅި ރާއްޖެއިން ކޮވިޑަށް ޕޮޒިޓިވްވީ މީހުންގެ އަދަދު ވަނީ 141،060އަށް އަރާފައެވެ. މީގެތެރެއިން 123،027 މީހުން ބަލިން ރަނގަޅުވެފައިވާއިރު މިވަގުތު އެކްޓިވް ކޭހުގެ އަދަދަކީ 17،743އެވެ. މީގެތެރެއިން 63 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާ ދެމުންނެވެ.
ރާއްޖެއިން 277 މީހުން ވަނީ މިބަލީގައި ނިޔާވެފަ އެވެ.
