ރައްޔިތުންގެ މަޖިލިސް މާދަމާ ހެނދުނު ހުޅުވާތީ މިރޭ ފަތިހުން ފެށިގެން މަޖިލިސް ކައިރީ މަގުތައް ބަންދު ކުރަން ފުލުހުން ނިންމައިފިއެވެ. މާދަމާ މަޖިލިސް ހުޅުވަން ބާއްވާ ޖަލްސާ ފަށަނީ ހެނދުނު 9:00 ގަ އެވެ.
ފުލުހުން ބުނީ ރައްޔިތުންގެ މަޖިލިސް މިއަހަރަށް ހުޅުއްވައިދެއްވައި ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ޖަލްސާ މަޖިލީސް ކުރާގޭގައި ބޭއްވުމަށް ހަމަޖެހިފައިވާތީ، ރައްޔިތުން މަޖިލިސްގެ ހިމެނޭ ސަރަޙައްދުގެ ސަލާމަތީ ކަންކަން ބެލެހެއްޓުމަށް އެސަރަޙައްދުގައި ހިމެނޭ މަގުތައް އެއްގަމު ދަތުރުފަތުރުގެ ނިޒާމުގައި ބޭނުންކުރާ އުޅަނދުތަކަށާއި ހިނގާބިނގާވާ މީހުންނަށް ނުވަދެވޭނެގޮތަށް ބަންދުކުރާ ގޮތަށް ހަމަޖެހިފައިވާ ކަމަށެވެ.
އެގޮތުން މިރޭ ފަތިހު 05:45 ން ފެށިގެން ޖަލްސާ ނިމެންދެން އެސަރަހައްދުގެ މަގުތައް އާންމު ދަތުރުފަތުރަށާއި ހިނގާ މީހުންނަށް ބަންދުކުރުމަށްވަނީ ހަމަޖެހިފައި ކަމަށް ފުލުހުން ބުންޏެވެ.
ފުލުުހުން ބުނީ މިރަަސްމިއްޔާތަށް މެދުޒިޔާރަތްމަގު މަޖީދިއްޔާ ސްކޫލު ކައިރިން ފެށިގެން ދަރުމަވަންތަ ސްކޫލް ކައިރީ ޕާކިންގ ޒޯނާއި މަޖިލިސް އިދާރާ ކުރިމަތިން އޮންނަ ޕާކިންގ ޒޯން ހުސްކުރުމަށްވަނީ ހަމަޖެހިފައިވާ ކަމަށެވެ.
