އޫރީދޫގެ އީ ކޮމާސް ފްލެޓްފޯމް، މޫލީގެ "އިޔާ އެންޑް ސޭލް 2021" މިއަދު ފަށައިފިއެވެ.
އޫރިދޫން މިއަދު ބުނީ މޫލީ އިޔާ އެންޑް ސޭލްގައި ވިއްކާ ބައެއް ތަކެތިން 40 ޕަސެންޓާ ހަމައަށް ޑިސްކައުންޓް ލިބިގެންދާނެ ކަމަށެވެ. ޑިސްކައުންޓް ލިބޭ ތަކެތީގެ ތެރޭގައި ސްމާޓް ފޯނާއި އެހެނިހެން ބައެއް ޑިޖިޓަލް ގެޖެޓުތައް ހިމެނެއެވެ.
މޫލީގެ އިޔާ އެންޑް ސޭލްއަށް ހާއްސަ ކޮށްފައިވާ ސެކްޝަނެއް އުރީދޫ އެޕް އަދި މޫލީ ވެބްސައިޓުން މިހާރު ފެންނަން ހުންނާނެއެވެ. އުރީދޫ އެޕް http://ore.do/app ނުވަތަ މޫލީ ވެބް http://ore.do/moolee މެދުވެރިކޮށް ވިޔަފާރި ކޮށްގެން ވެސް ސޭލްގައި ބައިވެރިވެވޭނެއެވެ.
އޫރިދޫން ބުނީ ކޮންމެ ނެޓްވޯކަކުން ވެސް އެ ސޭލްގައި ބައިވެރިވެވޭނެ ކަމަށާއި މޫލީން ގަންނަ ތަކެތި ރާއްޖޭގެ ކޮންމެ ސަރަހައްދަކަށް ވެސް ހިލޭ ޑެލިވާކޮށްދޭނެ ކަމަށެވެ.
މޫލީގެ އިޔާ އެންޑް ސޭލް ކުރިއަށް ގެންދާނީ މިއަދުން ފެށިގެން އަންނަ އަހަރުގެ ޖެނުއަރީ މަހުގެ 10 ވަނަ ދުވަހުގެ ނިޔަލަށެވެ.
