ފިތުރު އީދުގެ މުނާސަބުގައި އުރީދޫ އާޗާ ކަސްޓަމަރުންނަށް ހާއްސަ އޮފާތަކެއް ތައާރަފުކޮށްފިއެވެ.
އުރީދޫން މިއަދު ބުނީ، އާޗާ ކަސްޓަމަރުންނަށް އެ އޮފާގެ ދަށުން އީދު ޗުއްޓީ ތެރޭގައި ދުވާލަކު އެއް ޖީބީ ލިބޭ އާޗާ ޕްރިޕެއިޑުގެ 150 ރުފިޔާގެ ޕެކް ނެގުމުން ހަތް ދުވަހަށް ބޯނަސް ޑޭޓާގެ ގޮތުގައި ދުވާލަކު ދެ ޖީބީ، މުޅިއަކު ދުވާލަކު ތިން ޖީބީ އަދި އަންލިމިޓެޑް އޫރިދޫ ކޯލްސް ލިބޭނެ ކަމަށެވެ.
އެ ޑޭޓާ ޕެކް އޫރީދޫ އެޕް މެދުވެރިކޮށް އެކްޓިވޭޓް ކުރެވެން ހުންނާނެ ކަމަށާއި އީދާ ގުޅިގެން އުރީދޫން އޮފާތަކެއް ތައާރަފުކުރީ ދުރުގައި ތިބި އާއިލާ އާއި ރައްޓެހިންނާ އޮންނަ ގުޅުން ބަދަހިކޮށް އީދުގެ މަޖާ ހިއްސާކުރުމަށް ކަމަށް އެކުންފުނިން ބުންޏެވެ.
"އުރީދޫ ޓީމުގެ ފަރާތުން އަޅުގަނޑުމެންގެ ކަސްޓަމަރުންނަށާއި، ރާއްޖޭގެ ހުރިހާ ރައްޔިތުންނަށްވެސް ފިތުރު އީދުގެ ތަހުނިޔާ އާއި ހެޔޮއެދުންތައް އަރިސްކުރަން. ގާތްތިމާގެ މީހުންނާއި ރައްޓެހިންނަށް އީދުގެ އުފާވެރިކަން ހިއްސާކުރުމަށް އަޅުގަނޑުމެންގެ މި އީދު އޮފާ ކަސްޓަމަރުންނަށް ކަމުދާނެކަމަށް އުއްމީދުކުރަން،" އުރީދޫގެ ސީނިއާ މެނޭޖާ ބްރޭންޑް އެންޑް މާކޮމްސް، ނޫރާ އިބްރާހީމް ޒާހިރު ވިދާޅުވިއެވެ.
އާޗާ ބޯނަސް ޕްރިޕެއިޑް އޮފާގެ އިތުރުން އުރީދޫ ކްލަބް ޕްރީމިއާ ކަސްޓަމަރުންނަށްވެސް ވަނީ ހާއްސަ އޮފާއެއް ތައާރަފުކޮށްފައެވެ. އެ އޮފާގެ ދަށުން ކްލަމް ޕްރީމިއާ ކަސްޓަމަރުންނަށް ޗޮކްލެޓް، ރަޓަޓޫއީ އަދި ޗާކޯލް ކެފޭއިން ދިހަ ޕަސަންޓުގެ ޑިސްކައުންޓް ލިބޭނެއެވެ.
