ރައީސުލްޖުމްހޫރިއްޔާގެ އޮފީހަށް މާ ފޯރުކޮށްދޭނެ ފަރާތެއް ހޯދަން އިއުލާނު ކޮށްފިއެވެ.
އެ އޮފީހުން ކުރި އިއުލާނެއްގައި ބުނެފައި ވަނީ އެ އޮފީހުގެ ހާއްސަ ބޭނުންތަކަށް ގެންނަން ބޭނުންވާ މަލުގެ އިންތިޒާމު، ކުރިޔަށް އޮތް ދެ އަހަރު ދުވަހުގެ މުއްދަތަށް ހަމަޖައްސައިދޭނެ ފަރާތެއް ހޯދަން ބޭނުންވާ ކަަމަށެވެ.
އެ އިއުލާނާއެކު އެއްކޮށްފައިވާ ކަރުދާހުގައި ބުނެފައި ވަނީ، މަލުގެ އިންތިޒާމު ހުންނަން ވާނީ ތިރިކޮށް، އޯވަލް ޝޭޕަށް ކަމަށެވެ. އަދި އޭތި ތައްްޔާރު ކުރަން ވާނީ މޯޅިނުވެ ތިން ދުވަހަށް ހުންނަން ޖެހޭ ގޮތަށް ތާޒާ މަލުން ކަމަށް ބުނެފައި ވެއެވެ.
އަދި މަަލުގެ އިންތިޒާމެއްގެ ދިގުމިނަކީ 18 އިންޗި ކަަމަަށް ބުނެފައިވާއިރު، މިތަކެތި ގެންނަންވާނީ ކޮންމެ ހަފްތާއަކު ދެ ދުވަހު ކަަމަށްވެސް ބުނެފައި ވެއެވެ. އެއީ ހޮނިހިރު ދުވަހާއި، އަންގާރަ ދުވަހުގެ ހަވީރު 4:00 އަށެވެ.
އެ ކަރުދާހުގައި ބުނެފައިވާގޮތުގައި، ކޮންމެ ދުވަހަކުވެސް ގެންނާނީ، މަލުގެ ތިން އިންތިޒާމެވެ. އަދި އެއްވެސް ސަބަބަކާ ހުރެ މި ދެދުވަހުންކުރެ ދުވަހަކު ގެންނަންނުޖެހޭ ގޮތް މެދުވެރިވެއްޖެނަމަ އެކަން މި އޮފީހުން އަންގާނެ ކަމަށް ބުނެފައި ވެއެެވެ.
