އަންހެނަކު ލައްވައި ދައުވަތު ދީގެން، މީހަކު ގެސްޓް ހައުސަކަށް ގެނެސް އެ މީހާ ފޭރެން އުޅުނުކަމުގެ ތުހުމަތުގައި މާލެއިން ތިން މީހަކު ހައްޔަރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ އުމުރުން 18 އަހަރުގެ ޅ. ނައިފަރުގެ އަންހެނަކާއި އުމުރުން 21 އަހަރުގެ ގދ. ތިނަދޫ ފިރިހެނެއްގެ އިތުރުން އުމުރުން 46 އަހަރުގެ މާލެއަށް ނިސްބަތްވާ ފިރިހެނެކެވެ.
މި ތިން މީހުންގެ މަައްޗަށް ތުހުމަތުކުރަނީ ޖަމާއަތް ހަދައިގެން ހުއްދަ ނޫން ގޮތުގައި މީހަކު ހިފެއްޓުމާއި ފޭރުމާއި މާރާމާރީ ހިންގުމުގެ ކުށުގެ ތުހުމަތެވެ.
ތިން މީހުންގެ ބަންދާ މެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން ކޯޓުން ނިންމާފައިވަނީ ބަންދަށް 15 ދުވަސް ދިނުމަށެވެ.
+1
+1
+1
+1
+1
+1
