ރައްޔިތުންގެ މަޖިލީހުން މުސާރަ ކަނޑައަޅާ މަގާމުތަކުގެ މުސާރަ ބޮޑުކުރަން މާލިއްޔަތު ކޮމިޓީން މިއަދު ފާސްކޮށްފި އެވެ.
މަޖިލިސް ރައީސާއި ނައިބު ރައީސް އަދި މިނިސްޓަރުންނާއި މޭޔަރުންނާއި ކައުންސިލަރުން ވެސް ހިމެނޭ ގޮތަށް މި މަގާމުތަކަށް މުސާރަ ބޮޑުކުރަން އަންނަ އަހަރަށް ލަފާކޮށް ފާސްކުރި ބަޖެޓުގައި ވަނީ ހިމަނައިފަ އެވެ. މީގެ އިތުރުން ކޯޓުތަކުގެ ފަނޑިޔާރުންނާއި ގާޒީންނާއި މެޖިސްޓްރޭޓުންނާއި މިނިވަން މުވައްސަސާތަކުގެ މެންބަރުންނާއި އިދާރާތަކުގެ ޑިރެކްޓަރުންނާއި ބޯޑު މެންބަރުންނާއި ސިޓީ އަދި ރަށު ކައުންސިލަރުންގެ މުސާރަ ބޮޑުކުރުމަށް ވެސް ކޮމިޓީގެ އިއްތިފާގުން ވަނީ ފާސްކޮށްފަ އެވެ.
ކޮމިޓީން މުސާރަ ބޮޑުކުރަން ފާސްކުރި ގޮތް
- ރައީސުލްޖުމްހޫރިއްޔާ 120،000ރ.
- ރައީސުލްޖުމްހޫރިއްޔާގެ ނައިބު - 93،000ރ.
- ވަޒީރުން - 72،000ރ.
- ރައްޔިތުންގެ މަޖިލިސް މެންބަރުން - 80،000ރ.
- މަޖިލީހުގެ ރައީސް - 90،000ރ.
- މަޖިލީހުގެ ނައިބު ރައީސް - 88،000ރ.
- އުއްތަމަ ފަނޑިޔާރު - 91،000ރ.
- ގަވަރުނަރު - 74،000ރ.
- އޮޑިޓާ ޖެނެރަލް - 74،000ރ.
- ޕްރޮސެކިއުޓާ ޖެނެރަލް - 74،000ރ.
- މޭޔަރު - 46،000ރ.
- ޑެޕިއުޓީ މޭޔަރު- 40،500ރ.
- ސިޓީ ކައުންސިލް މެންބަރުން 35،000ރ.
- އަތޮޅު ކައުންސިލް ރައީސް 33،000ރ.
- ރަށު ކައުންސިލް ރައީސް 25،500ރ.
- ރަށު ކައުންސިލް ނައިބުން 20،000ރ.
- ރަށު ކައުންސިލަރުން 18،000ރ.
މާލިއްޔަތު ކޮމިޓީން މިއަދު މުސާރަތައް ބޮޑުކުރަން ފާސްކުރި ނަމަވެސް މިކަމާ މެދު ފަހުގެ ނިންމުން ނިންމާނީ ކޮމިޓީ ރިޕޯޓަށް ބަހުސްކުރުމަށްފަހު މަޖިލީހުގެ ތަޅުމުންނެވެ.
+1
+1
+1
+1
+1
+1
