އަންނަ މާރޗް މަހުން ފެށިގެން އެއާ އެމްބިއުލާންސްގެ ޚިދުމަތް ރާއްޖޭގައި ފެށުމަށް ނިންމާފައިވާ ކަމަށް ސަރުކާރުން މިއަދު އިއުލާނުކޮށްފި އެވެ.
ރައީސް އޮފީހުގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބުދުﷲ ނާޒިމް އިބްރާހީމް ވިދާޅުވީ އިއްޔެ އޮތް ކެބިނެޓް ބައްދަލްވުމުގައި އެއާ އެމްބިއުލާންސްގެ ހިދުމަތް ފެށުމަށް އެއާ އެމްބިއުލާންސް ހޯދުމަށާއި އެއާ އެމްބިއުލާންސްގެ ހިދުމަތް ދިނުމަށް ވާން ޖެހޭ ތައްޔާރީތައް ވުމަށް މަޝްވަރާ ކޮށްފައިވާ ކަމަށެވެ.
އަންނަ މާޗް މަހުގެ އެއްވަނަ ދުވަހުން ފެށިގެން ރާއްޖޭގައި އެއާ އެމްބިއުލާންސްގެ ހިދުމަތް ފެށުމަށް ވާންޖެހޭ ތައްޔާރީތައް ވުމަށް ނިންމާފައިވާ ކަމަށްވެސް ނާޒިމް ވިދާޅުވިއެވެ.
މިކަރުދާހުގެ މަޝްވަރާކުރެވި ނިންމާފައިވަނީ މާރްޗަމަހު 1 ވަނަ ދުވަހުން ފެށިގެން ދިވެހިރާއްޖޭގައި އެއާ އެމްބިއުލާންސް ތައާރަފްކުރުމަށްޓަކައި، ވާންޖެހޭ ހުރިހާ ތައްޔާރީތައް އެގޮތުން ދެ އެއާ އެމްބިއުލާންސެއް ތައްޔާރުކޮށް އެއާ މޯލްޑިވްސްއާ ގުޅިގެން މި ޚިދުމަތް ފެށިގެން ދިވެހި ރައްޔިތުންނަށް ލިބޭނެ އިންތިޒާމް މިނިސްޓްރީ އޮފް ހެލްތާއި އެއާ މޯލްޑިވްސް ގުޅިގެން ކުރިޔަށް ގެންދިޔުން.
ނާޒިމް ވަނީ އެކަން ރެގިއުލޭޓް ކުރާނީ މިހާރު ވެސް އެކަމަށްޓަކައި އުފައްދާފައިވާ ހާއްސަ އިދާރާއިން ކަމަށް ވިދާޅުވެފައެވެ. އެއާ އެމްބިއުލާންސްގެ ހިދުމަތް ރާއްޖެއަށް ތައާރަފު ކުރެއްވުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ.
