ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހާއްސަ މެސެޖަކާއެކު، މާލޭ ބިންވެރިންގެ ސައްލާ މިރޭ ސަލްޓަން ޕާކުގައި ބާއްވާ ގޮތަށް ހަމަޖެހިއްޖެއެވެ.
ގިރާވަރު މާލެ ސިޓިޒަންސް އެސޯސިއޭޝަން، ގުޅީފަޅު ރައްޔިތުންގެ އެސޯސިއޭޝަން، މާލެ ރަށްވެހިންގެ ޖަމިއްޔާ، ހުޅުމާލެ ރައްޔިތުންގެ ޖަމިއްޔާގެ ފަރާތުން ސުނާދު ލަތީފް ވަނީ ރައީސް ޑރ. މުއިއްޒާއި ބައްދަލު ކުރައްވާފައެވެ.
އެ ބައްދަލު ކުރެއްވުމަށްފަހު ސުނާދު ކުރި ޓްވީޓެއްގައި ބުނެފައި ވަނީ ދެއްވި ދައުވަތަަށް ޝުކުރު އަދާ ކުރާ ކަމަށާއި، ގިރާވަރާއި ގުޅީފަޅު އަދި ހުޅުމާލެ މަޝްރޫއާއި ގުޅޭގޮތުން ވަރަށް އަގުހުުރި ވާހަކަތަކެއް ޝުކުރު އަދާ ކުރާ ކަމަށެވެ.
ސުނާދު ބުނީ، މާލޭގެ ހަތަރު ޖަމިއްޔާގެ ފަރާތުން ކަނޑައެޅި މަންދޫބު ރަައީސް ޑރ. މުއިއްޒާއި ބައްދަލުކޮށް ސަައްލާ ބައްދަލުވުމުގެ މައުލޫމާތު ހިއްސާ ކުރެވުނު ކަމަށެވެ. އަދި އެމަނިކުފާނު ދެއްވި މެސެޖް މިރޭ އޮންނަ ބައްދަލުވުމުގައި ހާމަ ކުރެވޭނެ ކަަމަށްވެސް ބުންޏެވެ.
މި ބައްދަލުވުން އޮންނާނީ މިރޭ 8:00 ޖަހާއިރު ސަލްޓާން ޕާކުގައެވެ.
