އެމްޑީޕީއާއި ޑިމޮކްރެޓްސް އިން މިސަރުކާރުގެ ބައެއް ވަޒީރުންނަށް ރުހުން ނުދޭން ނިންމުމުން ސަރުކާރަށް ތާއީދު ކުރާ ސަޕޯޓަރުން މިވަގުތު މަޖިލިސް ބޭރުގައި އިހުތިޖާޖު ކުރަމުން އެބަގެންދެ އެވެ.
ވަޒީރުންނަށް ރުހުން ދިނުމާ މެދު ގޮތެއް ނިންމުމަކީ ރައްޔިތުންގެ މަޖިލީހުގެ ޒިންމާއެއް ކަމަށްވާއިރު ވޯޓަށް އެހުން ތާވަލުކުރީ މެންދުރު 01:30 އަށެވެ. އެ ޖަލްސާ ވެސް ޕީޕީއެމް/ޕީއެންސީގެ މެމްބަރުން ހުއްޓުވާފައިވާއިރު ވަޒީރުންގެ ދިފާއުގައި މުޒާހަރާއެއް ވަނީ ފަށާފަ އެވެ. މުޒާހަރާ ކުރާ ފަރާތްތައް ގޮވަމުންދަނީ ހުރިހާ ވަޒީރުންނަށް ރުހުން ދިނުމަށެވެ. އަދި އެމްޑީޕީ މެންބަރުންގެ އިސްތިއުފާއަށް ވަނީ ގޮވާފަ އެވެ.
ފޮރިން މިނިސްޓަރު މޫސާ ޒަމީރާއި ބަންޑާރަ ނައިބު އަހުމަދު އުޝާމް އާއި ހައުސިން މިނިސްޓަރު ޑރ. އަލީ ހައިދަރު އަދި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށް ރުހުން ނުދޭން ދަ ޑިމޮކްރެޓްސް އިން ވަނީ ނިންމައިފަ އެވެ. އެމްޑީޕީން ނިންމީ ފޮރިން މިނިސްޓަރު ޒަމީރަށް ރުހުން ދިނުމަށެވެ. އޭގެ ބަދަލުގައި އިކޮނޮމިކް މިނިސްޓްރު ސައީދަށް ރުހުން ނުދޭން ވަނީ ނިންމާފަ އެވެ.
ސަރުކާރުގެ ބައެއް މިނިސްޓަރުންނަށް ރުހުން ނުދޭން އިދިކޮޅުން ނިންމުމުން ވެރިކަން ހިންގާ ޕީއެންސީ/ޕީޕީއެމް ކޯލިޝަނުން ބުނީ ރުހުން ނުދެނީ ރައްޔިތުންނަށް ދެމުންދާ ހިދުމަތްތައް ހުއްޓުވަން ކަމަށެވެ.
