ތިން ގައުމަކަށް ސަފީރުން އައްޔަނު ކުރުމަށް ރުހުން ހޯދުމަށް ރައްޔިތުންގެ މަޖިލީހަށް ފޮނުވައިފިއެވެ.
ސަފީރުން އައްޔަނުކުރުމަށް އެދިވަޑައިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވާފައިވާ ސިޓީ މަޖިލީހަށް އިއްވަވާދެއްވީ އަމީންއާއްމު ފާތިމަތު ނިއުޝާއެވެ.
ސަފީރުކަމަށް އައްޔަންކުރުމަށް ފޮނުއްވާފައިވާ ބޭފުޅުންނަކީ ސްރީލަންކާ އަށް ކަނޑައަޅުއްވާފައި ހުންނަވާ ސަފީރުކަމަށް މަސްއޫދު އިމާދު، މެލޭޝިއާ އަށް ކަނޑައަޅުއްވާފައި ހުންނަވާ ސަފީރުކަމަށް ޑރ. މަރިޔަމް ޝަބީން، ބެލްޖިއަމް އަދި ޔޫރަޕިއަން ޔޫނިއަން އަށް ކަނޑައަޅުއްވާފައި ހުންނަވާ ސަފީރުކަމަށް ގީލާ އަލީއެވެ.
އޭގެ ތެރެއިން މަސްއޫދު ވަނީ ކުރީގެ ރައީސް ޑރ. މުހައްމަދު ވަހީދުގެ ސަރުކާރުގެ ރައީސް އޮފީހުގައި ޚިދުމަތްކުރައްވާފައެވެ.
ގީލާއަކީ ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެކްރެޓަރީ ޖެނެރަލްގެ މަގާމު އަދާކުރެއްވި ބޭފުޅެކެވެ. އޭގެ އިތުރުން, އޭނާ ވަނީ ކުރީގެ ރައީސް އަބްދުالله ޔާމީންގެ ވެރިކަމުގައި ހެލްތު މިނިސްޓްރީގެ ޕާމަނަންޓް ސެކްރެޓަރީ ކަމާއި އެޑިޝަނަލް ސެކްރެޓަރީގެ މަގާމު ފުރުއްވާފަ އެވެ.
އެ މައްސަލަަ ދިރާސާ ކުރުމަށް ޚާރިޖީ ގުޅުންތަކުގެ ކޮމިޓީއަށް ވަނީ ފޮނުވާފަ އެވެ.
