ގަލޮޅު ދަނޑުގައި އިއްޔެ ހަވީރު ހިންގި މާރާމާރީއާ ގުޅިގެން މިހާތަނަށް މީހަކު ހައްޔަރު ނުކުރާ ކަމަށް ފުލުހުން ބުނެފި އެވެ.
ދެ ވަނަ ޑިވިޝަން ފުޓްބޯޅަ މުބާރާތުގެ ފަހު 10 މިނެޓުގެ ތެރޭގައި ކުޑަހެންވޭރާއި ވިކްޓަރީ ބައްދަލުކުރި މެޗުގެ ފަހު 10 މިނެޓުގެ ތެރޭގައި އެ ޓީމުގެ ކޯޗު ސޮބާހު މުހައްމަދު އިބްރާހީމަށް ވަނީ ހަމަލާދީފަ އެވެ.
ރެފްރީގެ ނިންމުމަކާމެދު ހިތްހަމަނުޖެހި ދަނޑަށް އެރި ސަޕޯޓަރުން ވަނީ ވިކްޓަރީގެ ކޯޗު ސޮބާހް މުހައްމަދުގެ މޫނު މަތީގައި ޖަހާ އަނގަމަތި ފަޅާލައިފަ އެވެ. ހަމަލާ ދީފައިވަނީ، މެޗުގެ 82 ވަނަ މިނެޓުގައި ކުޑަ ހެންވޭރުގެ ސަޕޯޓަރުން ވަނީ ދަނޑަށް އަރާ ހަމަނުޖެހުން ހިންގަން ފެށުމުންނެވެ. ހަމަނުޖެހުންތަކުގެ ސަބަބުން އިއްޔެގެ މެޗު ނުނިމެނީސްވަނީ ހުއްޓާލާފައެވެ. ހަމަނުޖެހުން ކޮންޓްރޯލްކުރަން ދަނޑަށް އިތުރު ފުލުހުންވެސް ވަނެވެ.
ފުލުހުން ބުނީ އެމައްސަލަ ފުލުހުން ދަނީ ތަހުގީގު ކުރަމުން ކަމަށެވެ.
