އަންނަ އެޕްރީލް 21 ވަނަ ދުވަހު ބާއްވާ ރައްޔިތުންގެ މަޖިލިސް އިންތިޚާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަނުގެ ޗީފް ސްޕޯކްސް ޕާސަނުގެ މަގާމަށް ހީނާ ވަލީދު އައްޔަން ކުރައްވައިފިއެވެ.
ޕީއެންސީގެ ރަސްމީ އެކްސްގައި ކޮށްފައިވާ ޕޯސްޓެއްގައި ބުނެފައިވަނީ ރައްޔިތުންގެ މަޖިލިސް އިންތިޚާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަނުގެ ޗީފް ސްޕޯކްސް ޕާސަނުގެ މަގާމަށް ހީނާ އިއްޔެ އައްޔަން ކޮށްފައިވާ ކަމަށެވެ.
ރައްޔިތުންގެ މަޖިލިސް އިންތިޚާބުގައި 93 ދާއިރާގެ ތެރެއިން ޕްރޮގްރެސިވް ކޮންގްރެސްގެ ފަރާތުން ވާދަކުރަނީ 89 ދާއިރާއަކަށެވެ. އެކޯލިޝަނުން ވާދަ ނުކުރަނީ ސަރުކާރަށް ތާއީދު ކުރާ ޕާޓީތަކުގެ ލީޑަރުން ވާދަކުރައްވާ ދާއިރާތަކަށެވެ.
ހީނާއަކީ މިހާރުވެސް އެ ކޯލިޝަނުގައި އިސްކޮށް ހަރަކާތްތެރިވަމުން އަންނަ ބޭފުޅެކެވެ.
+1
+1
1
+1
+1
+1
+1
