ދިވެހި އުފެއްދުންތަކަށް ޢާންމުންގެ މަޤްބޫލުކަން އިތުރުކޮށް ދިވެހި އުފެއްދުންތައް ކުރިއެރުވުމަށްޓަކައި ބިޒްނަސް ސެންޓަރ ކޯޕަރޭޝަން (ބީސީސީން) "ދިވެހީންނަށް އިސްކަން" މި ނަމުގައި ޚާއްޞަ ސޯޝަލް މީޑިޔާ ކެންޕޭނެއް ފަށައިފިއެވެ. މި ކެންޕޭނު ފައްޓަވާދެއްވީ އިޤުތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދެވެ. މި ކެންޕޭން ކުރިއަށް ގެންދަނީ ރާއްޖޭގެ ހުރިހާ ރަށަކަށް ބަހައިލައިގެންނެވެ. އަދި ކެންޕޭން ކުރިއަށް ގެންދާނީ އަންނަ މަހުގެ 16ވަނަ ދުވަހާ ހަމައަށެވެ. ބީސީސީން ބުނީ ކެންޕެއިން ކުރިއަށް ދާނީ އެކަމަށް ޚާއްސަކޮށް…

ހުޅުމާލޭ ދެވަނަ ފިޔަވަހީގައި، ނަސާރާ ދީނުގެ ކާޑުތަކެއް ބެހި މައްސަލައިގައި ހައްޔަރުކުރި ދެ ބިދޭސީންގެ ބަންދަށް 10 ދުވަސް ޖަހައިފިއެވެ. މިދިޔަ ބުދަ ދުވަހު ޖަރުމަންވިލާތަށް ނިސްބަތްވާ ދެ ބިދޭސީން ވަނީ ހުޅުމާލެ ދެވަނަ ފިޔަވަހީގައި ހުންނަ މެއިލް ބޮކްސްތަކަަށް ބައިބަލްގެ ދިވހި ތަރުޖަމާ ބެލޭނެ ލިންކު ކާޑުތަކެއް އަޅާފައިއެވެ. މި މަންޒަރުފެންނަ ފޮޓޯތަކެއް ވަނީ ސޯޝަލް މީޑިއާގައި އާންމުވެފައިއެވެ. މައުލޫމާތު ލިބިފައި ވާ ގޮތުގައި މި ކާޑުތަކުގައި ވަނީ ދިވެހި ބަހަށް ތަރުޖަމާކޮށްފައިވާ ނަސާރާދީނުގެ ވެބްސައިޓު…

ދިވެހި ފުލުހުންގެ ޚިދުމަތަށް 91 އަހަރު ފުރުމާއި ގުޅިގެން މާލެ އާއި އަތޮޅުތަކުގައި ދިދަ ނެގުމުގެ ހާއްސަ ރަސްމިޔާތެއް ބާއްވައިފިއެވެ. މާލޭގައި ދިދި ނެގުމުގެ ރަސްމިއްޔާތު ކުރިއަށް ގެންގޮސްފައިވަނީ ފުލުހުންގެ މައި މަރުކަޒު ޝަހީދު ޙުސައިން އާދަމް ބިލްޑިންގްގައެވެ. އަތޮޅުތަކުގައި ދިދަ ނެގުމުގެ ރަސްމިއްޔާތު ގެންގޮސްފައިވަނީ ރަށްރަށުގެ ޕޮލިސް ސްޓޭޝަންތަކުގައެވެ. މި ރަސްމީއްޔާތު ކުރިއަށް ގެންގޮސްފައިވަނީ ރޭ 12:00 ގައެވެ. މާލެ ސަރަހައްދުގައި ބޭއްވި ދިދަ ނެގުމުގެ ރަސްމީއްޔާތުގައި ދިދަ ނެގުމުގައި ހަރަކަތްތެރިވެފައިވަނީ މުޅިންވެސް އަންހެން ފުލުހުންނެވެ.…

އަންނަ އެޕްރީލް 21 ވަނަ ދުވަހު ބާއްވާ ރައްޔިތުންގެ މަޖިލިސް އިންތިޚާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަނުގެ ޗީފް ސްޕޯކްސް ޕާސަނުގެ މަގާމަށް ހީނާ ވަލީދު އައްޔަން ކުރައްވައިފިއެވެ. ޕީއެންސީގެ ރަސްމީ އެކްސްގައި ކޮށްފައިވާ ޕޯސްޓެއްގައި ބުނެފައިވަނީ ރައްޔިތުންގެ މަޖިލިސް އިންތިޚާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަނުގެ ޗީފް ސްޕޯކްސް ޕާސަނުގެ މަގާމަށް ހީނާ އިއްޔެ އައްޔަން ކޮށްފައިވާ ކަމަށެވެ. ރައްޔިތުންގެ މަޖިލިސް އިންތިޚާބުގައި 93 ދާއިރާގެ ތެރެއިން ޕްރޮގްރެސިވް ކޮންގްރެސްގެ ފަރާތުން  ވާދަކުރަނީ 89 ދާއިރާއަކަށެވެ.…

އަންނަ އާދީއްތަ ދުވަހުން ފެށިގެން ގޮވާމުން ޒަކާތް ބަލައިގަންނަން ފަށާނެ ކަމަށް ޒަކާތު ހައުސްއިން ބުނެފިއެވެ. އެ އިދާރާއިން ބުނީ އެހެން އަހަރުތަކެކޭ ވެސް އެއްގޮތަށް މި އަހަރުވެސް ގޮވާމުން ޒަކާތް ދައްކަން ބޭނުންވާ މީހުންނަށް އެ ފުރުސަތު ހުޅުވާލާނެ ކަމަށެވެ. އެގޮތުން، އާދީއްތަ ދުވަހުން ފެށިގެން، އަންނަ މަހުގެ 9 ވަނަ ދުވަހުގެ ނިޔަލަށް ގޮވާމުން ޒަކާތް ބަލައިގަންނާނެ ކަމަށް ޒަކާތު ހައުސް އިން ބުންޏެވެ. މާލެ ސިޓީގައި ގޮވާމުން ޒަކާތް ބަލައިގަންނަން ހަމަޖެހިފައި ވަނީ…

ސްޓެލްކޯއިން ދޭ ހައްޖާއި އުުމްރާ ދަތުރު ލިބޭ މުވައްޒަފުން ރޭ ގުރުއަތުން ހޮވައިފިއެވެ. ސްޓެލްކޯއިން ބުނީ އެ ކުންފނިން ދެމުންގެންދާ ހައްޖުގެ އަޅުކަމުގެ ފުރުސަތު ދެނީ ކުންފުންޏަށް 15 އަހަރަށްވުރެ ގިނަ ދުވަހު ހިދުމަތް ކުރުމުގައި ދެމިތިބޭ މުވައްޒަފުންގެ ތެރެއިން އެކަމަށް ކުރިމަތިލާ މުވައްޒަފުންނަށް ކަމަށެވެ. މި އަހަރުގެ ހައްޖުގެ މަތިވެރި އަޅުކަން އަދާކުރުމަށް (އަންހެން ފިރިހެން ވަކިން) ހުޅުވާލި ފުރުސަތަށް އިޖާބަދީ، ހައްޖުގެ އަޅުކަން އަދާކުރުމަށް ހުށަހެޅީ 116 މުވައްޒަފުންނެވެ. އޭގެ ތެރެއިން ޝަރުތު ފުރިހަމަވެފައި…

ޗައިނާ ސަރުކާރުގެ ފަރާތުން ރާއްޖެއަށް 10 އުޅަނދު ހަދިޔާކޮށްފިއެވެ. ޗައިނާގެ ފަރާތުން ހަދިޔާ ކުރެއްވި 10 އުޅަނދު ހަވާލުކުރެއްވީ އެ ގައުމުން ރާއްޖެއަށް ކަނޑައަޅުއްވާފައިވާ ސަފީރު ވަންގ ލިޒިންއެވެ. އަދި ސަރުކާރުގެ ފަރާތުން އެ އުޅަނދުތަކާއި ހަވާލުވެވަޑައިގެންނެވީ ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ މިނިސްޓަރު އާދަމް ޝަރީފް އުމަރެވެ. އެ އުޅަނދުތައް ހަވާލުކުރި ހަފްލާގެ ފޮޓޯތައް ހިއްސާކުރަމުން ސަފީރު ވަންގ ލިޒިން އެކްސްގައި ކުރެއްވި ޕޯސްޓެއްގައި ވިދާޅުވީ ޗައިނާއިން ރާއްޖެއަށް ހަދިޔާ ކޮށްފައިވަނީ…