އިސްރާއީލް ސިފައިން ފަލަސްތީނުގެ 29 އަންހެނަކު ޝަހީދު ކޮށްލައިފި އެވެ.
އިސްރާއީލުގެ ޑިފެންސް ފޯސް އިން ނެރެފައިވާ ބަޔާނަކާއި ހަވާލާދީ މީޑިއާތަކުން ރިޕޯޓް ކޮށްފައިވާ ގޮތުގައި އަންހެން މީހާ ޝަހީދު ކޮށްލާފައިވަނީ އިޒްރާއިލުގެ ސިފައިންނަށް ހަމަލާދޭން އުޅުމުންނެވެ.
ފަލަސްތީނުގެ ޑޮކްޓަރުކަން ކިޔަވަމުން އަންނަ ދަރިވަރެއް ކަމުގައިވާ މޭއި އަފާނާ ނަމަކަށް ކިޔާ އަންހެން މީހާ މަރާލާފައިވަނީ އިޒްރާއިލުގެ ސިފައިން ބުނި ގޮތުގައި ފޯރި މަރަމުން އައި ސަރަހައްދަކަށް ކާރު ވައްދައި ކާރުން ސިފައިން ގައިގައި ޖައްސަން އުޅެނިކޮށެވެ. އަދި ވަޅިންވެސް ހަމަލާދޭން އުޅުނު ކަމަށް އެ ބަޔާނުގައި ބުނެފައި ވެ އެވެ.
ފަލަސްތީނުގެ ހެލްތު މިނިސްޓްރީން ބުނެފައިވަނީ އެ އަންހެން މީހާ މަރުވެފައިވަނީ އިޒްރާއިލް ސިފައިން ދިން ހަމަލާގައި ލިބުނު ޒަޚަމްތަކާއި ގުޅިގެން ކަމަށެވެ.
އިސްރާއީލުން އަނެއްކާ ވެސް ޣައްޒާއަށް ބޮމުގެ ހަމަލާތައް ދޭން ވަނީ ފަށާފަ އެވެ.
