ވެކްސިން ފުރިހަމަ ކުރި މީހުންގެ އަދަދު ބޮޑުތަނުން މައްޗަށް

ރާއްޖޭގައި ކޮވިޑް19 ދިފާއު ވެކްސިން ޖެހި މީހުންގެ އަދަދު 183000 މައްޗަށް އަރައިފިއެވެ.

އިއްޔެ ވެކްސިންގެ ދެވަނަ ޑޯޒް ފުރިހަމަ ކޮށްފައިވަނީ 658 މީހުންނެވެ. މިއާއެކު ވެކްސިންގެ ދެވަނަ ޑޯޒް ފުރިހަމަ ކުރި މީހުންގެ އަދަދު ވަނީ 183،373 އަރާފައެވެ. އެޗްޕީއޭގެ ތަފާސް ހިސާބުތައް ދައްކާގޮތުން ވެކްސިން ދެވަނަ ޑޯޒް އިއްޔެ މާލެ ސަރަހައްދުން ޖަހާފައިވަނީ 300 މީހުންނެވެ. އަދި އަތޮޅު ތެރެއިން ދެވަނަ ޑޯޒް ފުރިހަމަ ކުރީ 385 މީހުންނެވެ.

ވޭތުވެދިޔަ 24 ގަޑިއިރު ތެރޭގައި ރާއްޖެއިން ކޮވިޑް ވެކްސިންގެ ފުރަތަމަ ޑޯޒް 126 މީހަކު ވަނީ ޖަހާފައެވެ. އޭގެ ތެރޭގައި މާލެއިން ފުރަތަމަ ޑޯޒް ޖެހި 86 މީހަކާއި، އަތޮޅުތަކުން ވެކްސިން ޖެހި 40 މީހަކު ހިމެނެއެވެ. ރާއްޖެއިން ވެކްސިންގެ ފުރަތަމަ ޑޯޒް ޖެހި މީހުންގެ ޖުމުލަ އަދަދު މިހާރު ވަނީ 315،282އަށް އަރާފައެވެ.