ކޮވިޑް19 އާއި ގުޅިގެން މާލެ ސަރަހައްދުގައި އަޅާފައިވާ ބައެއް ފިޔަވަޅުތަކަށް ލުއިދީފައިވާ ކަމަށް ހެލްތް ޕްރޮތެކަން އެޖެންސީން ހާމަކޮށްފިއެވެ.
އެގޮތުން މާލެ ސަރަހައްދުގައި އިއުލާންކޮށްފައި އޮންނަ ކާފިއު ހަވީރު 18:00 އިން ފަތިހު 04:00 އަށް ބަދަލުކުރަން ވަނީ ނިންމާފައެވެ. މިއަދާ ހަމައަށް ކާފިއުގެ ވަގުތުގެ ގޮތުގައި އޮތީ ހަވީރު 16:00 އިން ފަތިހު 04:00 އަށެވެ.
ކާފިއު ގަޑި ފިޔަވައި އެހެން ގަޑިތަކުގައި ކޮންމެ ގެއަކަށް ދޫކޮށްފައިވާ މީޓަރު ހުއްދައާއިއެކު ގެއިން ބޭރަށް ނިކުމެވޭނެއެވެ.
ރައީސް އޮފީހުން މިހާރު ކުރިއަށްގެންދާ ނޫސްވެރިންގެ ބައްދަލުވުމެއްގައި ރައީސް އޮފީހުގެ ތަރުޖަމާން މަބްރޫކް އަޒީޒް ވިދާޅުވީ، މި ގެނެވުނު ބަދަލާއެކު އިތުރު ދެ ގަޑިއިރު ވިޔަފާރި ކުރުމުގައި އުޅުމުގެ ހުއްދަ ލިބޭނެ ކަމަށެވެ.
މީގެ އިތުރުން ހާއްސަ އުސޫލެއްގެ ދަށުން މާލޭ ސަރަހައްދުގެ ޖިމްތައް ހުޅުވުމުގެ ހުއްދަ ދޭންވެސް މިރޭ ވަނީ ނިންމާފައެވެ.
މާދަމާއިން ފެށިގެން ފަތިހު 05:00 އިން ހަވީރު 18:00 އަށް ޖިމްތައް ހުޅުވުމުގެ ހުއްދަ ދޭން ނިންމާފައިވާ ކަމަށް މަބްރޫކް ވިދާޅުވިއެވެ.
