އެއްވެސް ކަހަލަ ސިޔާސީ މަންފާއެއް ހޯދުމަށް ކުރީގެ ރައީސް އަބްދުﷲ ޔާމީންގެ ނަންފުޅު ބޭނުން ނުކުރުމަށް ޕީޕީއެމުން ގޮވާލައިފިއެވެ.
ޕީޕީއެމް ޕީއެންސީ ކޯލިޝަނުން ނެރުނު ނޫސްބަޔާނެއްގައި ބުނެފައިވަނީ، ޕީޕީއެމްގެ ރައީސް، ރައީސް އަބްދުﷲ ޔާމީން ސިޔާސި މަސައްކަތް ކުރައްވަނީ ޕީޕީއެމްއާއި، ޕީއެންސީ އާއެކު ކަމަށެވެ. އެމަނިކުފާނުގެ ސިޔާސީ މަސައްކަތް އެހެން އެއްވެސް ޕާޓީއަކާއެކު ނުވަތަ އެހެން ބަޔަކާއި އެކު ނުކުރައްވާނެ ކަމަށްވެސް އެބަޔާނުގައި ބުނެފައިވެއެވެ. އަދި އިތުރު ސިޔާސީ އެއް ޕާޓީއެއް ހަދައިގެން ސިޔާސީ މަސައްކަތްޕުޅު ކުރެއްވުމުގެ ވިސްނުންފުޅު ރައީސް ޔާމީން ނުގެންގުޅުއްވާ ކަމަށާއި އެހެންކަމުން ރައީސް ޔާމީންގެ ނަންފުޅު ބޭނުންކޮށްގެން، އިތުރު ސިޔާސީ ޕާޓީއެއް ހެދުމަށް ނުވަތަ ސިޔާސީ މަންފާ ހޯދުމަށް އެއްވެސް ފަރާތަކުން ކުރާ މަސައްކަތުގައި މި ދެ ޕާޓީއާއި އެމަނިކުފާނަށް ތާއީދު ކުރާ ފަރާތްތަކުން އެފަދަ ފަރާތްތަކާއި ބައިވެރިނުވުމަށް އެބަޔާނުގައި ވަނީ ނަސޭހަތްތެރިވެ އިލްތިމާސްކޮށްފައިވެއެވެ.
