ކޮވިޑް19 ޖެހިގެން މިވަގުތު ހޮސްޕިޓަލްތަކުގައި ފަރުވާދެމުން ދަނީ 27 މީހަކަށް ކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ.
ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންދާ މީހުންގެ ނިސްބަތް ބޮޑުތަނުން މަދުވެފައި މިވަނީ، ކޮވިޑްގައި ގިނަ ބަޔަކު ނިޔާވެ ހޮސްޕިޓަލްތަކުގައި އެޑްމިޓް ކޮށްގެން ގިނަ ބަޔަކަށް ފަރުވާދޭން ޖެހުމުގެ ސަބަބުން އެޅި ހަރުކަށި ފިޔަވަޅުތަކުގެ ސަބަބުންނެވެ. އިއްޔެ މާލެ ސަރަހައްދުން ކޮވިޑަށް ޕޮޒިޓިވްވެފައިވަނީ 43 މީހުންނެވެ. އަދި އަތޮޅު ތެރެއިން ޕޮޒިޓިވްވެފައިވަނީ 125 މީހުންނެވެ. ރިސޯޓްތަކުން އިއްޔެ ޕޮޒިޓިވްވީ 7 މީހުންނެވެ.
މިހާތަނަށް ރާއްޖެއިން ކޮވިޑު ޖެހުނު މީހުންގެ އަދަދު ވަނީ 73،660 އަށް އަރައިފައެވެ. އަދި ބަލި ޖެހުމަށްފަހު ރަނގަޅުވި މީހުންގެ އަދަދަކީ 69،623 އެވެ. މިހާތަނަށް މިބަލި ޖެހިގެން ރާއްޖެއިން ވަނީ 210 މީހުން ނިޔާވެފައެވެ. މިބަލިޖެހިގެން ރާއްޖެއިން އެންމެ ގިނަ މީހުން ނިޔާވެފައިވަނީ މެއި މަހުގެ ތެރޭގައެވެ.
