ޖަމާއަތުގައި ނަމާދު ކުރަން ފަށާނީ މިރޭ ފަތިސްނަމާދުން ފެށިގެން

މާލެ ސަރަަހައްދުގެ މިސްކިތްތަކުގައި ޖަމާއަތުގައި ނަމާދު ކުރަން ފަށާނީ މިރޭ ފަތިސް ނަމާދުން ފެށިގެން ކަމަށް އެޗްޕީއޭއިން ހާމަކޮށްފިއެވެ.

ކޮވިޑާއި ގުޅިގެން އަޅާފައިވާ ފިޔަވަޅުތަކަށް ލުއި ދިނުމަށް ނިންމާފައިވަނީ ޖުލައި މަހުގެ އެއްވަނަ ދުވަހުން ފެށިގެންނެވެ.

ހެލްތް ޕްރޮޓެކްޝަން އެޖެންސީން އިއުލާންކޮށްފައިވާ ލުއި ތަކަށް ބަލާއިރު، 3 ފޫޓު ގައިދުރުކަމާއެކު ޖަމާއަތުގައި ނަމާދު ކުރުމަށް މިސްކިތްތައް ހުޅުވާލާނީ މިރޭ ފަތިސް ނަމާދުން ފެށިގެން ކަމަށެވެ. އަދި ގެއިން ވުޟޫކޮށްގެން ދިއުމަށްވެސް އެޗްޕީއޭއިން ވަނީ އިލްތިމާސް ކޮށްފައެވެ. އަދި އަބަދުވެސް މާސްކު އަޅައިގެން ހުރުމަށާއި އަމިއްލަ މުސައްލަ ގެންދިއުމަށް ވެސް އެޗްޕީއޭއިން ވަނީ އަންގާފައެވެ. މީގެ އިތުރުން ނަމާދުކޮށް ނިމިގެން މިސްކިތްތަކުގައި ގިނަ ވަގުތު މަޑު ނުކުރުމަށްވެސް އެޗްޕީއޭއިން ވަނީ އަންގާފައެވެ.