ރާއްޖޭގައި ކޭބަލް ޓީވީގެ ހިދުމަތް ފޯރުކޮށްދޭ ފަރާތްތަކުގެ ޕެޓިޝަނެއް ރައީސް އިބްރާހިމް މުހައްމަދު ސޯލިހަށާއި، ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުރުން އިކޮނޮމިކް މިނިސްޓަރު ފައްޔާޒު އިސްމާއީލަށް ހުށަހަޅައިފި އެވެ.
ދާއިރާގައި ދޭ ހިދުމަތްތަކާއިމެދު ކަންބޮޑުވުން ފާޅުކޮށްފައިވާ މި ޕެޓިޝަންގައި ވަނީ 100 ވިޔަފާރިވެރިއަކު ސޮއިކޮށްފަ އެވެ.
ކޭބަލް އޮޕަރޭޓު ކުރާ ވިޔަފާރިވެރިންގެ އެންމެ ބޮޑު ކަންބޮޑުވުމަކީ އެއް ކުންފުންޏެއްގެ ދަށަށް މުޅި ހިދުމަތް ދޫވެގެން ހިނގައިދާނެކަމުގެ ކަންބޮޑުވުމެވެ. މިކަމުގެ ސަބަބުން ވާދަވެރިކަން ގެއްލިދާނެކަން ވަނީ ފާހަގަކޮށްފަ އެވެ.
މާލެ ސަރަހައްދުގެ އިތުރުން އަތޮޅު ތެރޭގައިވެސް އެންމެ ފުޅާ ދާއިރާއެއްގައި ކޭބަލް ޓީވީގެ ހިދުމަތް ދެމުން އަންނަ ކުންފުންޏަކީ މީޑިއާނެޓް އެވެ. އެހެންނަމަވެސް ޓެލެކޮމް ކުންފުނި ދިރާގުން ދަނީ ދިރާގު ޓީވީގެ ނަމުގައި ފައިބާ ކޭބަލް މެދުވެރިކޮށް ރީބްރޯޑްކާސްޓިންގެ ހިދުމަތްވެސް ފުޅާ ކުރަމުންނެވެ.
މިކަމާއިމެދު ކަންބޮޑުވުން ފާޅުކޮށް ޕެޓިޝަންގައި ބުނީ މިހާރު ހިދުމަތް ދެމުން ގެންދަނީ މީޑިއާނެޓާއެކު ޕާޓްނާޝިޕް އެއްބަސްވުމެއް ހަދައި ދެފަރާތައް ފައިދާވާނެ ގޮތަކަށް ނަމަވެސް ދިރާގުން މި ވިޔަފާރީގެ ތެރެއަށް ވަނުމުން ހުރިހާ ހިދުމަތްތައް އެއް ކުންފުންޏެއްގެ ދަށަށް ދިޔުމުގެ ބިރު އޮތް ކަމަށެވެ.
ދިރާގުން ދެމުންދާ ކޭބަލް ޓީވީގެ ހިދުމަތްތަކުގެ އަގު ހެޔޮކޮށްފައި ހުންނަނީ އެހެން އޮޕަރޭޓަރުންނަށް ހިދުމަތް ނުދެވޭނެހާ ކުޑަ އަގެއްގައި ކަމުން ގެއްލުންތަކާއި ކުރިމަތިލާން ޖެހިދާނެ ކަމުގެ ކަންބޮޑުވުން ރީބްރޯޑްކާސްޓަރުންގެ އެބަ އޮތެވެ.
ދިރާގުން ދެމުންދާ ކޭބަލް ޓީވީގެ ހިދުމަތްތަކުގެ އަގަށްވުރެ ހެޔޮއަގެއްގައި އެހެން އޮޕަރޭޓަރުންނަށް ހިދުމަތް ނުދެވޭނަމައެހެންއޮޕަރޭޓަރުން ރައްޔިތުންފެލަންނޫޅެއެހެންކަމަކާއުޅެންވީއެއްނު..
އަގު ހެޔޮ ވީމަ ދެން ސަކަރާތް ޖަހަން ނޫޅޭ. ދިރާގަށް ވުރެ ހެޔޮކޮށް ދީބަލަ .ކޮންމެހެން ނުޖެހެ ކަލޭމެން އެށްފަހަރާ މުއްސަނދި ވާކަށް. ލައްކަ ދުވަހު މީޑިޔާ ނެޓާ ގުޅިގެން އަހަރެމެން ފެލިއްޖެ އެންނު. ދިރާގަށް މިފަހަރު ޕިރްމިއަ ލީގު ކޮންޓެންޓު ލިބޭތީ ހެން އެބަހީވޭ ތިޔަ ……